ന്യൂദല്‍ഹി: സോഷ്യല്‍ മീഡിയയിലൂടെ നിരന്തരം അധിക്ഷേപിച്ച ആളുകള്‍ക്കെതിരെ പരാതി നല്‍കി ബോളിവുഡ് നടി സ്വര ഭാസ്‌കര്‍.
സ്വര അഭിനയിച്ച ഒരു പഴയ സിനിമാ രംഗത്തിന്റെ പേരിലാണ് ട്വിറ്ററിലും യൂട്യൂബിലും രണ്ട് ആളുകള്‍ അധിക്ഷേപം നടത്തിയത്. ദല്‍ഹി വസന്ത് കുഞ്ജില്‍ലാണ് സ്വര ഭാസ്‌കര്‍ പരാതി നല്‍കിയിട്ടുള്ളത്.
തന്നെ അപമാനിക്കാനായി ചില സന്ദേശങ്ങളും ഹാഷ്ടാഗുകളും സോഷ്യല്‍ മീഡിയ പ്ലാറ്റ് ഫോമില്‍ പ്രചരിക്കുന്നുണ്ടെന്നും അവര്‍ പരാതിയില്‍ പറയുന്നുണ്ട്.
354 ഡി, 509 ഐ.പി.സി, 67 ഐ.ടി ആക്റ്റ് എന്നീ വകുപ്പുകള്‍ പ്രകാരമുള്ള പരാതിയുടെ അടിസ്ഥാനത്തില്‍ ദല്‍ഹി പൊലീസ് ഒരു ക്രിമിനല്‍ കേസ് ഫയല്‍ ചെയ്തിട്ടുണ്ട്. ആക്ഷേപകരമായ ട്വീറ്റുകള്‍ പോസ്റ്റ് ചെയ്യാന്‍ ഉപയോഗിച്ച അക്കൗണ്ടുകളെക്കുറിച്ച് ട്വിറ്ററിനോട് പൊലീസ് അന്വേഷിക്കുമെന്നാണ് റിപ്പോര്‍ട്ട്.
ബി.ജെ.പിക്കെതിരെ നിരന്തരം വിമര്‍ശനം ഉന്നയിക്കുന്ന സ്വരയ്‌ക്കെതിരെ നേരത്തെയും സംഘപരിവാര്‍ അനുകൂല പ്രൊഫൈലുകളില്‍ നിന്ന് അധിക്ഷേപം ഉണ്ടായിട്ടുണ്ട്.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlights: Actor Swara Bhaskar files complaint over ‘objectionable’ comments on Twitter on her old movie scene