സൂര്യ നായകനായ ജയ് ഭീം ദീപാവലിക്ക്; റിലീസ് ഡേറ്റ് പ്രഖ്യാപിച്ച് ആമസോണ്‍ പ്രൈം
എന്റര്‍ടെയിന്‍മെന്റ് ഡെസ്‌ക്
Friday, 1st October 2021, 5:05 pm
കൊച്ചി: സൂര്യയെ നായകനാക്കി ടു.ജം ജ്ഞാനവേല്‍ സംവിധാനം ചെയ്യുന്ന പുതിയ ചിത്രം ‘ജയ് ഭീ’മിന്റെ റിലീസ് ഡേറ്റ് പ്രഖ്യാപിച്ചു. ആമസോണ്‍പ്രൈമില്‍ ഡയറക്ട് റിലീസായിട്ടാണ് ചിത്രം എത്തുന്നത്.
ദീപാവലി റിലീസായി നവംബര്‍ 2നാണ് ചിത്രം റിലീസ് ചെയ്യുന്നത്. സൂര്യയുടെ കരിയറിലെ 39-ാം ചിത്രമാണ് ജയ് ഭീം. ചിത്രത്തില്‍ അഭിഭാഷകനായിട്ടാണ് സൂര്യയെത്തുന്നത്.
മലയാളി താരം രജിഷ വിജയനാണ് ചിത്രത്തില്‍ നായികയാവുന്നത്. മണികണ്ഠനാണ് ചിത്രത്തിന്റെ രചന. പ്രകാശ് രാജിനൊപ്പം മലയാളത്തില്‍ നിന്ന് ലിജോമോള്‍ ജോസും ചിത്രത്തില്‍ പ്രധാനകഥാപാത്രങ്ങളാവുന്നുണ്ട്.
