അവന്‍ ഞങ്ങള്‍ കഴിച്ച പാത്രം എടുത്തുകൊണ്ടുപോയി കഴുകി വെച്ചു, ശരിക്കും ഞെട്ടിപ്പോയി; ഗോകുല്‍ സുരേഷിനെപ്പറ്റി സുബീഷ് സുധി
എന്റര്‍ടെയിന്‍മെന്റ് ഡെസ്‌ക്
Wednesday, 28th July 2021, 2:36 pm
കൊച്ചി: നടനും സുരേഷ് ഗോപിയുടെ മകനുമായി ഗോകുല്‍ സുരേഷുമൊത്തുള്ള അഭിനയ ഓര്‍മ്മകള്‍ പങ്കുവെച്ച് നടന്‍ സുബീഷ് സുധി നടത്തിയ അഭിമുഖം ചര്‍ച്ചയാകുകയാണ്. ബിഹൈന്‍ഡ് വുഡ്‌സിന് നല്‍കിയ അഭിമുഖത്തിനിടെയാണ് സുബീഷ് ഗോകുലിനെപ്പറ്റി മനസ്സുതുറന്നത്.
‘സെറ്റില്‍ ഗോകുല്‍ സുരേഷും ഞാനും പിഷാരടിയും കൂടി ഭക്ഷണം കഴിക്കുകയായിരുന്നു. റൂമിലിരുന്നായിരുന്നു ഭക്ഷണം കഴിച്ചിരുന്നത്. ഞാന്‍ ഭക്ഷണം കഴിച്ചോണ്ടിരുന്നപ്പോള്‍ പെട്ടെന്ന് ഫോണ്‍ വന്നു.
ഞാന്‍ പ്ലേറ്റ് വെച്ചിട്ട് ഫോണില്‍ സംസാരിക്കുകയായിരുന്നു. കുറച്ച് കഴിഞ്ഞ് നോക്കുമ്പോള്‍ കണ്ടത് ഗോകുല്‍ ഞങ്ങളുടെ പാത്രം എടുത്തുകൊണ്ടുപോയി കഴുകി വയ്ക്കുന്നു.
ഞാന്‍ ചോദിച്ചു, എന്താ ചങ്ങായി ഈ ചെയ്‌തേ എന്ന്. അപ്പോള്‍ അവന്‍ പറഞ്ഞു. അല്ല അവന്‍ അങ്ങനെയാ ശീലിച്ചതെന്ന്. ശരിക്കും ഞെട്ടിപ്പോയി.
