ഫറൂഖ് കോളേജിനെ ഇളക്കിമറിച്ച് ശ്രീനാഥ് ഭാസി; ഡാന്‍സ് വീഡിയോ ശ്രദ്ധ നേടുന്നു
എന്റര്‍ടെയിന്‍മെന്റ് ഡെസ്‌ക്
Saturday, 17th September 2022, 5:30 pm
നടന്‍ ശ്രീനാഥ് ഭാസിയുടെ കോളേജ് വിദ്യാര്‍ത്ഥികള്‍ക്കൊപ്പമുള്ള നൃത്തം ശ്രദ്ധ നേടുന്നു. ചട്ടമ്പി എന്ന പുതിയ സിനിമയുടെ പ്രൊമോഷനുമായി ബന്ധപ്പെട്ടാണ് ശ്രീനാഥ് ഭാസിയും സംഘവും കോഴിക്കോട് ഫറൂഖ് കോളേജില്‍ എത്തിയത്. ആര്‍പ്പുവിളിച്ചും കൈയ്യടിച്ചും പാട്ടു പാടിയും വിദ്യാര്‍ത്ഥികള്‍ ചട്ടമ്പി ടീമിനെ സ്വീകരിച്ചു.
സംവിധായകന്‍ അഭിലാഷ് എസ്. കുമാര്‍, നായിക ഗ്രേയ്സ് ആന്റണി, സംഗീത സംവിധായകന്‍ ശേഖര്‍ മേനോന്‍, എക്‌സിക്യൂട്ടീവ് പ്രൊഡ്യൂസര്‍ സിറാജ്, കോസ്റ്റ്യും ഡിസൈനര്‍ മഷര്‍ ഹംസ എന്നിവരും ഭാസിക്കൊപ്പം ഉണ്ടായിരുന്നു. ചട്ടമ്പിയിലെ പാട്ടുപാടിയും നൃത്തം വെച്ചും ഭാസിയും സംഘവും കുട്ടികളുടെ ആവേശത്തില്‍ പങ്കുചേര്‍ന്നു.
