'നേരിന് ലഭിച്ചത് പോലെ ഒരു വിജയമാണ് ആ ലാലേട്ടന്‍ ചിത്രത്തിനും ആഗ്രഹിച്ചത്'
എന്റര്‍ടെയിന്‍മെന്റ് ഡെസ്‌ക്
Thursday, 4th January 2024, 3:28 pm
മോഹന്‍ലാല്‍ ചിത്രം നേരിന്റെ വിജയത്തെ പറ്റി സംസാരിക്കുകയാണ് നടന്‍ സര്‍ജാനോ ഖാലിദ്. മോഹന്‍ലാലിന്റെ ഓരോ സിനിമ വിജയിക്കുമ്പോഴും സന്തോഷമാണെന്നും കൂടുതല്‍ ഇഷ്ടപ്പെടുന്നവര്‍ വിജയിക്കണമെന്നാണ് ആഗ്രഹമെന്നും സര്‍ജാനോ പറഞ്ഞു. നേരിന് ലഭിച്ചതുപോലെ ഒരു വിജയമാണ് ബിഗ് ബ്രദറിനും ആഗ്രഹിച്ചതെന്നും മിഡിയ വണിന് നല്‍കിയ അഭിമുഖത്തില്‍ സര്‍ജാനോ പറഞ്ഞു.
‘നേരിന് ലഭിച്ച സ്വീകാര്യതയും വിജയവുമാണ് ബിഗ് ബ്രദറിനും അഗ്രഹിച്ചതും വിചാരിച്ചതും. എപ്പോഴും നമ്മള്‍ വിചാരിക്കുന്നത് പോലെ കാര്യങ്ങള്‍ നടക്കണമെന്നില്ല. എന്നെ സംബന്ധിച്ചിടത്തോലം ഇതൊന്നും പ്ലാന്‍ഡ് ആയിരുന്നില്ല. കരിയറിന്റെ തുടക്കത്തില്‍ തന്നെ ലാലേട്ടനോടൊപ്പവും സിദ്ദീഖ് സാറിനൊപ്പവും വര്‍ക്ക് ചെയ്യാന്‍ പറ്റി. അതൊരു നല്ല എക്‌സ്പീരിയന്‍സായിരുന്നു.
