അറയ്ക്കല്‍ അബു ചെറിയ പേടിയൊക്കെയുള്ള ഗുണ്ടയാണ്; അതുപോലെയല്ല ഗുണ്ട ജയന്‍; സൈജു കുറുപ്പ്
എന്റര്‍ടെയിന്‍മെന്റ് ഡെസ്‌ക്
Saturday, 26th June 2021, 2:27 pm
വ്യത്യസ്ത കഥാപാത്രങ്ങളിലൂടെ മലയാള സിനിമയില്‍ തന്റേതായ ഇടം കണ്ടെത്തിയ നടനാണ് സൈജു കുറുപ്പ്. ഹരിഹരന്‍ സംവിധാനം ചെയ്ത മയൂഖത്തിലൂടെ മലയാള ചലച്ചിത്രമേഖലയിലേക്കെത്തിയ സൈജു ഇതുവരെ നൂറിലധികം ചിത്രങ്ങളിലാണ് അഭിനയിച്ചത്.
സൈജുവിന്റെ ഏറ്റവും അടുത്ത് പുറത്തിറങ്ങാനിരിക്കുന്ന ചിത്രമാണ് ഉപചാരപൂര്‍വ്വം ഗുണ്ട ജയന്‍. അരുണ്‍ വൈഗ സംവിധാനം ചെയ്യുന്ന ചിത്രത്തെപ്പറ്റി മനസ്സുതുറക്കുകയാണ് സൈജു ഇപ്പോള്‍. കൗമുദി ടിവിയ്ക്ക് നല്‍കിയ അഭിമുഖത്തിലാണ് സൈജുവിന്റെ വെളിപ്പെടുത്തല്‍.
നേരത്തെ ആട് ഒരു ഭീകരജീവിയാണ് എന്ന ചിത്രത്തിലെയും ആട് 2ലെയും അറയ്ക്കല്‍ അബുവെന്ന സൈജുവിന്റെ കഥാപാത്രം ഏറെ ശ്രദ്ധ നേടിയിരുന്നു.
അതിന് ശേഷം ചെയ്യുന്ന കഥാപാത്രമാണ് ഗുണ്ട ജയന്‍. അറയ്ക്കല്‍ അബുവിനെപ്പോലെയാണോ ഗുണ്ട ജയന്‍ എന്ന ചോദ്യത്തോട് പ്രതികരിക്കുകയാണ് സൈജു.
