മലയാളി മ്യൂസിക് ബാന്‍ഡായ തൈക്കുടം ബ്രിഡ്ജിന്റെ നവരസം എന്ന ഗാനം കോപ്പിയടിച്ചാണ് കാന്താര സിനിമയിലെ ‘വരാഹ രൂപം’ ചെയ്തത് എന്ന ആരോപണമുണ്ടായിരുന്നു. ഇതില്‍ പ്രതികരിച്ചിരിക്കുകയാണ് സംവിധായകനും നായകനുമായ റിഷബ് ഷെട്ടി.
ആരെയും കോപ്പിയടിച്ചല്ല പാട്ട് ചെയ്തതെന്ന് റിഷബ് ഷെട്ടി പറഞ്ഞു. കൊച്ചിയില്‍ വെച്ച് നടന്ന പ്രസ് മീറ്റിലാണ് അദ്ദേഹം വിവാദത്തില്‍ പ്രതികരിച്ചത്. തങ്ങള്‍ ആരുടേയും കോപ്പിയടിച്ചിട്ടില്ലെന്നും അവര്‍ക്ക് ഇതുമായി ബന്ധപ്പെട്ടുള്ള മറുപടി കൊടുത്തെന്നും പ്രസ്മീറ്റില്‍ റിഷബ് പറഞ്ഞു.
”ബേസിക്കലി ക്ലാസിക്ക് സ്റ്റെലിലാണ് ഞങ്ങള്‍ അത് ചെയ്തത്. അവര്‍ക്ക് ഞങ്ങള്‍ മറുപടി കൊടുത്തു കഴിഞ്ഞു. അതിനെക്കുറിച്ച് വീണ്ടും ഇവിടെ വന്ന് പറയേണ്ടതില്ലെന്ന് എനിക്ക് തോന്നുന്നു. പ്രൊഡക്ഷന്‍ ഹൗസ് അവര്‍ക്ക് മറുപടി കൊടുത്തതാണ്. ഞങ്ങള്‍ ഒരിക്കലും കോപ്പിയടിച്ചതല്ല,” റിഷബ് ഷെട്ടി പറഞ്ഞു.
