ക്ലാസ് എന്നും നിലനില്‍ക്കും; ദൃശ്യം 2 വിന്റെ ആദ്യ റിവ്യു പങ്കുവെച്ച് പൃഥ്വിരാജ്
എന്റര്‍ടെയിന്‍മെന്റ് ഡെസ്‌ക്
Thursday, 18th February 2021, 10:08 pm
കൊച്ചി: ലോകമെമ്പാടുമുള്ള ഇന്ത്യന്‍ സിനിമ പ്രേമികള്‍ കാത്തിരിക്കുന്ന ചിത്രമാണ് ദൃശ്യം 2. 19ാം തിയ്യതി അര്‍ധരാത്രി മുതല്‍ ആമസോണ്‍ പ്രൈമിലൂടെ ചിത്രം കാണാനാവും.
ഇപ്പോഴിതാ ചിത്രത്തിനെ കുറിച്ചുള്ള ആദ്യ റിവ്യു പങ്കുവെച്ചിരിക്കുകയാണ് നടനും സംവിധായകനുമായ പൃഥ്വിരാജ്. ജീത്തുവിന്റെ ഏറ്റവും മികച്ച സിനിമയാണ് ദൃശ്യമെന്നാണ് പൃഥ്വിരാജ് പറയുന്നത്.
വളരെക്കാലമായി സിനിമയെ കുറിച്ച് എന്തെങ്കിലും പറയാന്‍ കാത്തിരിക്കുകയായിരുന്നു. ലോക പ്രീമിയറിന് മണിക്കൂറുകള്‍ മാത്രം അകലെയാണ്. ഇനി കുഴപ്പമില്ല എന്ന് പറഞ്ഞു തുടങ്ങുന്ന കുറിപ്പില്‍ ചിത്രത്തിനെ കുറിച്ചും ചിത്രം കണ്ടിറങ്ങിയ ശേഷം മോഹന്‍ലാലിനെ കണ്ടതും പൃഥ്വി എഴുതിയിട്ടുണ്ട്.
