എന്റെ കര്‍ത്താവേ; കാണാന്‍ യേശുവിനെ പോലെയുണ്ട്; നിവിന്‍ പോളിയുടെ പുതിയ ലുക്ക് ഏറ്റെടുത്ത് ആരാധകര്‍
എന്റര്‍ടെയിന്‍മെന്റ് ഡെസ്‌ക്
Thursday, 14th October 2021, 12:46 pm
മലയാളികളുടെ പ്രിയതാരം നിവിന്‍ പോളി പോസ്റ്റ് ചെയ്ത ഫോട്ടോകളാണ് സമൂഹമാധ്യമങ്ങളില്‍ ഇപ്പോള്‍ ശ്രദ്ധ നേടുന്നത്. മുടി നീട്ടി വളര്‍ത്തിയ സ്‌റ്റൈലിഷ് ഫോട്ടോകളാണ് നിവിന്‍ തന്റെ ഇന്‍സ്റ്റഗ്രാം ഫേസ്ബുക്ക് പേജുകള്‍ വഴി പുറത്തുവിട്ടത്.
സംവിധായകന്‍ ജൂഡ് ആന്തണി ജോസഫ് അടക്കം നിരവധി പേരാണ് ഫോട്ടോയ്ക്ക് താഴെ രസകരമായ കമന്റുകളുമായി എത്തിയിരിക്കുന്നത്. യേശു ക്രിസ്തുവിനെ പോലെയുണ്ട് കാണാന്‍ എന്ന രീതിയിലാണ് കമന്റുകള്‍ വരുന്നത്.
‘എന്റെ കര്‍ത്താവേ’ എന്നാണ് ജൂഡ് ആന്തണി ജോസഫ് ഫേസ്ബുക്കില്‍ പോസ്റ്റ് ചെയ്ത ഫോട്ടോകള്‍ക്ക് താഴെ എഴുതിയത്.
‘ദൈവത്തിന്റെ സ്വന്തം നിവിന്‍, യേശുവിനെപ്പോലെയുണ്ട് കാണാന്‍, കറക്ട് യേശു, ജീസസ് ലുക്ക്, ഡിവൈന്‍, ഈശോ മിശിഹായ്ക്ക് ഒരു ഹായ്, ആമേന്‍,’ എന്നിങ്ങനെയാണ് ഇന്‍സ്റ്റഗ്രാമിലും ഫേസ്ബുക്കിലും രസകരമായ കമന്റുകള്‍ വരുന്നത്.
