ഒരാഴ്ച പിന്നിടും മുമ്പ് 100 കോടി ക്ലബില്‍ ദസറ; സംവിധായകന് ബി.എം.ഡബ്യൂ കാര്‍ സമ്മാനിച്ച് നിര്‍മാതാവ്
എന്റര്‍ടെയിന്‍മെന്റ് ഡെസ്‌ക്
Thursday, 6th April 2023, 12:34 pm
നാനിയുടെ കരിയറിലെ ആദ്യ 100 കോടി ക്ലബ് ചിത്രമായി ദസറ മാറി. വെറും 6 ദിവസങ്ങള്‍ കൊണ്ടാണ് 100 കോടി രൂപ ലോകമെമ്പാടും നിന്ന് ചിത്രം നേടിയെടുത്തത്.
അവധി ദിവസങ്ങളില്‍ മാത്രമല്ല വര്‍ക്കിങ്ങ് ദിവസങ്ങളിലും ചിത്രം മികച്ച ബോക്സ് ഓഫീസ് ചലനം നേടിയെടുത്തിരുന്നു. 6 ദിവസങ്ങള്‍ കൊണ്ട് ഈ സ്വപ്ന നേട്ടം സ്വന്തമാക്കുമ്പോള്‍ നാനിയുടെ ആദ്യ പാന്‍ ഇന്ത്യന്‍ ചിത്രം കൂടിയായി ദസറ മാറിയിരിക്കുകയാണ്.
മറ്റ് ഭാഷകളില്‍ ചിത്രത്തിന്റെ ബോക്സ് ഓഫീസ് തുടക്കം പതിയെ നീങ്ങി തുടങ്ങിയെങ്കിലും പോസിറ്റീവ് റെസ്‌പോണ്‍സ് കൊണ്ട് ചിത്രം വന്‍ കളക്ഷനിലേക്ക് നീങ്ങുന്നുണ്ട്.
