കൊച്ചി: ധ്യാന്‍ ശ്രീനിവാസന്‍ തിരക്കഥയൊരുക്കുന്ന പുതിയ ചിത്രം ‘പ്രകാശന്‍ പറക്കട്ടെ’ ഫസ്റ്റ് ലുക്ക് പോസ്റ്റര്‍ നടന്‍ മോഹന്‍ലാല്‍ പുറത്തിറങ്ങി. ചിത്രത്തിലെ പ്രധാന താരങ്ങളായ ദിലീഷ് പോത്തനും മാത്യുതോമസും നിഷ സാരംഗും ബൈക്കില്‍ ഇരുന്ന് യാത്ര ചെയ്യുന്ന ചിത്രമാണ് പോസ്റ്ററില്‍ ഉള്ളത്.
ഗൂഢാലോചന, ലൗ ആക്ഷന്‍ ഡ്രാമ, 9MM എന്നീ ചിത്രങ്ങള്‍ക്ക് ശേഷം ധ്യാന്‍ ശ്രീനിവാസന്‍ കഥ, തിരക്കഥ, സംഭാഷണം ഒരുക്കുന്ന ചിത്രമാണ് പ്രകാശന്‍ പറക്കട്ടെ. മോഹന്‍ലാല്‍, ടോവിനോ തോമസ്, തുടങ്ങി നിരവധി പേരാണ് ചിത്രത്തിന്റെ ഒഫീഷ്യല്‍ ഫസ്റ്റ് ലുക്ക് പോസ്റ്റര്‍ സോഷ്യല്‍ മീഡിയയില്‍ പങ്കുവെച്ചത്.
ഷഹദ് ആണ് ചിത്രം സംവിധാനം ചെയ്യുന്നത്. ലൗ ആക്ഷന്‍ ഡ്രാമ, സാജന്‍ ബേക്കറി, 9MM എന്നീ ചിത്രങ്ങള്‍ക്ക് ശേഷം വിശാഖ് സുബ്രഹ്മണ്യം, അജു വര്‍ഗീസ് എന്നിവരുടെ ഉടമസ്ഥതയിലുള്ള ഫന്റാസ്റ്റിക്ക് ഫിലിംസിന്റെ നാലാമത് നിര്‍മാണസംരംഭമാണ് പ്രകാശന്‍ പറക്കട്ടെ.
