അജഗജാന്തരം എന്ന സൂപ്പര്‍ഹിറ്റ് ചിത്രത്തിന് ശേഷം കുഞ്ചാക്കോ ബോബനെ നായകനാക്കുന്ന ചിത്രത്തിന്റെ അണിയറയിലാണ് ടിനു പാപ്പച്ചന്‍. ഈ ചിത്രത്തിന്റെ ഷൂട്ടിനിടയില്‍ കുഞ്ചാക്കോ ബോബന് പരിക്ക് പറ്റിയിരുന്നു . ഒരു ”പരുക്കന്‍” ക്യാരക്ടര്‍ ഡിമാന്ഡ് ചെയ്ത ”പരിക്ക്” എന്ന ക്യാപ്ഷനോടെ താരം തന്നെയാണ് സാമൂഹ്യ മാധ്യമത്തിലൂടെ ചിത്രം പങ്കുവെച്ചത്.
കൈക്കാണ് പരിക്കേറ്റത്. ചിത്രത്തോടൊപ്പം കയ്യില്‍ പരിക്ക്, കയ്യിലിരിപ്പ് എന്ന ഹാഷ് ടാഗുകളും കുഞ്ചാക്കോ ബോബന് ചേര്‍ത്തിട്ടുണ്ട്. ഇനി പല്ല് മുറിയെ തിന്നാമെന്നാണ് ചിത്രത്തിന് രമേഷ് പിഷാരടി കമന്റ് ചെയ്തിരിക്കുന്നത്. എന്നാല്‍ ആരാധകര്‍ കുഴിയില്‍ വീണോ, ന്നാ താന്‍ കേസ് കൊട് എന്ന കമന്റുകളുമായാണ് രംഗത്ത് വന്നിരിക്കുന്നത്.
രതീഷ് പൊതുവാള്‍ ചിത്രം ന്നാ താന്‍ കേസ് കൊടിന്റെ വലിയ വിജയത്തിന് ശേഷം കുഞ്ചാക്കോ ബോബന് നായകനായി ഒരുങ്ങുന്ന പുതിയ ചിത്രം ത്രില്ലര്‍ ഗണത്തിലാണ് ഒരുങ്ങുന്നതെന്നാണ് റിപ്പോര്‍ട്ടുകള്‍. ജോയ് മാത്യുവാണ് ചിത്രത്തിന്റെ തിരക്കഥ നിര്‍വഹിക്കുന്നത്.
Content Highlight: Actor Kunchacko Boban injured during shoot