ദേ...ചാക്കോച്ചന്റെ സ്മൂത്തി, ഇനി ദുല്‍ഖര്‍ സല്‍മാന്റെ ബിരിയാണി കൂടിയായാല്‍ തൃപ്തിയായി: ഷെഫ് സുരേഷ് പിള്ള
എന്റര്‍ടെയിന്‍മെന്റ് ഡെസ്‌ക്
Monday, 2nd August 2021, 12:54 pm
പാചകരംഗത്തെ പരീക്ഷണങ്ങളാണ് അടുത്തിടയായി മലയാളി നടന്മാരുടെ ഇഷ്ടവിനോദം. സോഷ്യല്‍ മീഡിയയില്‍ തങ്ങള്‍ തയ്യാറാക്കിയ സ്‌പെഷ്യല്‍ വിഭവങ്ങളുമായി പലരുമെത്താറുണ്ട്.
കഴിഞ്ഞ ദിവസം നടന്‍ കുഞ്ചാക്കോ ബോബനും താന്‍ തയ്യാറാക്കിയ സ്മൂത്തിയുടെ ചിത്രവുമായി വന്നിരുന്നു. ഇന്‍സ്റ്റഗ്രാമില്‍ പോസ്റ്റ് ചെയ്ത ഈ ചിത്രത്തിന് പ്രശസ്ത പാചകവിദഗ്ധന്‍ ഷെഫ് സുരേഷ് പിള്ള എഴുതിയ കമന്റാണ് ഇപ്പോള്‍ സോഷ്യല്‍ മീഡിയയെ പൊട്ടിച്ചിരിപ്പിക്കുന്നത്.
‘ദേ…ചാക്കോച്ചന്റെ സ്മൂത്തി. ഇനി ദുല്‍ഖര്‍ സല്‍മാന്റെ ബിരിയാണി കൂടിയായാല്‍ തൃപ്തിയായി’ എന്നായിരുന്നു സുരേഷ് പിള്ളയുടെ കമന്റ്. നിരവധി പേരാണ് ഈ കമന്റിന് ലൈക്കും മറുപടി കമന്റുകളുമായെത്തിയത്.
ആരൊക്കെ വന്നാലും നിങ്ങളുടെ തട്ട് താണിരിക്കുമെന്നായിരുന്നു സുരേഷ് പിള്ളക്ക് ഒരാള്‍ നല്‍കിയ മറുപടി.
