ലാല്‍ സാറിനൊപ്പം അഭിനയിക്കാന്‍ കഴിഞ്ഞതില്‍ അഭിമാനമുണ്ട്, അദ്ദേഹത്തിന്റെ കഥാപാത്രം പ്രശംസ നേടും; സുല്‍ത്താനെ കുറിച്ച് കാര്‍ത്തി
എന്റര്‍ടെയിന്‍മെന്റ് ഡെസ്‌ക്
Thursday, 1st April 2021, 10:22 am
കാര്‍ത്തി നായകനായ സുല്‍ത്താന്‍ വെള്ളിയാഴ്ച ലോകമെമ്പാടും റീലീസ് ചെയ്യുകയാണ്. ചിത്രത്തില്‍ കാര്‍ത്തിക്കൊപ്പം ഒരു മുഴുനീളം വേഷം അവതരിപ്പിച്ചിരിക്കുന്നത് മലയാളത്തിന്റെ പ്രിയ നടനും സംവിധായകനുമായ ലാലാണ്.
സുല്‍ത്താനില്‍ തുടക്കം മുതല്‍ ഒടുക്കം വരെ ലാല്‍ സാര്‍ തന്നോടൊപ്പമുണ്ടെന്നും തന്റെ നായക കഥാപാത്രത്തിന്റെ ഓരോ വികാരങ്ങളിലും ഒപ്പം നിന്ന് പങ്കാളിയാവുന്ന മുഴുനീള കഥാപാത്രമാണ് അദ്ദേഹത്തിന്റെതെന്നും കാര്‍ത്തി പറയുന്നു.
അനുഭവ സമ്പന്നനായ അദ്ദേഹത്തോടൊപ്പം അഭിനയിച്ചതില്‍ എനിക്ക് ഏറെ അഭിമാനമുണ്ട്. സുല്‍ത്താനില്‍ ലാല്‍ എന്ന നടനും അദ്ദേഹം അവതരിപ്പിച്ച കഥാപാത്രവും ചിത്രത്തിന് മുതല്‍ കൂട്ടാണ്. തീര്‍ച്ചയായും ലാല്‍ സാറിന്റെ കഥാപാത്രം ഏറെ പ്രശംസനേടും, കാര്‍ത്തി പറഞ്ഞു.
