ജയം രവിയുടെ സിനിമയിലേക്ക് ചക്കിയെ വിളിച്ചിരുന്നു, ഉടന്‍ ചക്കിയുടെ അരങ്ങേറ്റമുണ്ടാകും: ജയറാം
എന്റര്‍ടെയിന്‍മെന്റ് ഡെസ്‌ക്
Thursday, 26th January 2023, 1:42 pm
അനൂപ് സത്യന്‍ സംവിധാനം ചെയ്ത് 2019ല്‍ തിയേറ്ററിലെത്തിയ സിനിമയായിരുന്നു വരനെ ആവശ്യമുണ്ട്. സുരേഷ് ഗോപി, ശോഭന, ദുല്‍ഖര്‍ സല്‍മാന്‍, കല്യാണി പ്രിയദര്‍ശന്‍ എന്നിവരാണ് സിനിമയില്‍ പ്രധാന വേഷങ്ങളിലെത്തിയത്. എന്നാല്‍ കല്യാണി ചെയ്ത നിഖിത എന്ന കഥാപാത്രം ചെയ്യാന്‍ ആദ്യം വിളിച്ചത് തന്റെ മകള്‍ മാളവികയെ ആണെന്ന് പറയുകയാണ് നടന്‍ ജയറാം.
ചെന്നൈയിലെ തന്റെ വീട്ടില്‍ വന്ന് ചക്കിയോട് കഥ പറഞ്ഞിരുന്നെന്നും സിനിമയിലേക്ക് വരാന്‍ മാനസികമായി റെഡിയായിട്ടില്ല എന്നും പറഞ്ഞ് ഒഴിഞ്ഞ് മാറുകയായിരുന്നെന്നും ജയറാം പറഞ്ഞു. പല ഭാഷകളിലായി സിനിമകളുടെ കഥ കേള്‍ക്കുന്നുണ്ടെന്നും ഉടന്‍ തന്നെ സിനിമയിലേക്കുള്ള മാളവികയുടെ അരങ്ങേറ്റം നടക്കുമെന്നും ജയറാം പറഞ്ഞു. മകളുടെ സിനിമാ പ്രവേശനത്തെ കുറിച്ചുള്ള മാധ്യമങ്ങളുടെ ചോദ്യത്തിന് മറുപടി പറയുകയാണ് താരം.
