ജയറാമും മമ്മൂട്ടിയും 28 വര്‍ഷങ്ങള്‍ക്ക് ശേഷം വീണ്ടും ഒന്നിക്കുന്നു; നിര്‍മ്മാണം ഗുഡ്‌വില്‍ സിനിമാസ്; സ്ഥിരീകരിച്ച് നിര്‍മ്മാതാവ്
എന്റര്‍ടെയിന്‍മെന്റ് ഡെസ്‌ക്
Tuesday, 16th February 2021, 12:38 pm
കൊച്ചി: 28 വര്‍ഷങ്ങള്‍ക്ക് മുമ്പാണ് ധ്രുവം എന്ന സിനിമ റിലീസ് ചെയ്തത്. മമ്മൂട്ടിയും ജയറാമും സഹോദരന്മാരായി അഭിനയിച്ച ചിത്രത്തിന് ഇന്നും ആരാധകരുണ്ട്. വര്‍ഷങ്ങള്‍ക്ക് ശേഷം ഇതേ ടീം വീണ്ടും ഒരു ചിത്രത്തിനായി ഒന്നിക്കുകയാണ്.
ഗുഡ്‌വില്‍ സിനിമാസ് ആണ് ചിത്രം നിര്‍മ്മിക്കുന്നത്. മമ്മൂട്ടിയും ജയറാമും ഒന്നിക്കുന്ന ചിത്രം വരുന്നുണ്ടെന്ന് നിര്‍മ്മാതാവ് ജോബി ജോര്‍ജ് തന്നെയാണ് സ്ഥിരീകരിച്ചത്.
അതേസമയം ആരാണ് ചിത്രത്തിന്റെ സംവിധാനമെന്നോ തിരക്കഥയെന്നോ ഇതുവരെ പുറത്തുവിട്ടിട്ടില്ല. എന്നാല്‍ കലൂര്‍ ഡെന്നീസിന്റെ മകന്‍ ഡീന്‍ ഡെന്നീസിന്റെ ചിത്രമാണിതെന്നാണ് സിനിമാ ട്രാക്കര്‍മാര്‍ പുറത്തുവിടുന്നത്.
