എന്നോടും രാധാകൃഷ്ണനോടും അധ്യാപകര്‍ ചോദ്യം ചോദിക്കാറില്ല, ഒരിക്കല്‍ അപ്പന്‍ കൈയോടെ പൊക്കി; ഓര്‍മ്മകള്‍ പങ്കുവെച്ച് ഇന്നസെന്റ്
ഡൂള്‍ന്യൂസ് ഡെസ്‌ക്
Friday, 20th August 2021, 9:07 pm
കൊച്ചി: മലയാള സിനിമയില്‍ വേറിട്ട ശൈലി കൊണ്ട് തന്റേതായ സ്ഥാനം കണ്ടെത്തിയ താരമാണ് ഇന്നസെന്റ്. കോമഡി വേഷങ്ങളും ക്യാരക്ടര്‍ റോളുകളും ചെയ്ത ഇന്നസെന്റ് എഴുത്തുകാരന്‍ എന്ന നിലയിലും ശ്രദ്ധേയനാണ്.
പലപ്പോഴും അദ്ദേഹം പങ്കുവെക്കുന്ന കുട്ടിക്കാല ഓര്‍മ്മകള്‍ പ്രേക്ഷകര്‍ക്ക് ചിരി പടര്‍ത്തുന്നതാണ്. ഇപ്പോഴിതാ അത്തരം ഒരു രസകരമായ ഓര്‍മ്മ പങ്കുവെച്ചിരിക്കുകയാണ് അദ്ദേഹം.
റിപ്പോര്‍ട്ടര്‍ ടി.വിയോടായിരുന്നു അദ്ദേഹം തന്റെ സ്‌കൂള്‍ കാല അനുഭവം പങ്കുവെച്ചത്.
‘എന്റെ ക്ലാസ്സില്‍ വളരെ മിടുക്കരായ കുട്ടികളും മിടുക്കരല്ലാത്ത കുട്ടികളും പഠിച്ചിട്ടുണ്ട്. ഐ.എസ്.ആര്‍.ഒയിലെ രാധാകൃഷ്ണന് എന്നോടൊപ്പമാണ് പഠിച്ചത്,’ ഇന്നസെന്റ് പറയുന്നു.
