വര്‍ഷത്തില്‍ എന്നെ പല തവണ കല്യാണം കഴിപ്പിക്കുന്ന സോഷ്യല്‍ മീഡിയയോട് വീണ്ടും പറയട്ടെ: വിവാഹിതനായെന്ന വാര്‍ത്തയില്‍ ജി.പി
എന്റര്‍ടെയിന്‍മെന്റ് ഡെസ്‌ക്
Friday, 19th March 2021, 3:27 pm
നടി ദിവ്യ പിള്ളയെ വിവാഹം കഴിച്ചുവെന്ന വാര്‍ത്തകളില്‍ പ്രതികരണവുമായി നടന്‍ ഗോവിന്ദ് പത്മസൂര്യ. ചാനല്‍ പരിപാടിക്ക് വേണ്ടി എടുത്ത ഫോട്ടോയാണ് താനും ദിവ്യയും വിവാഹിതരായെന്ന രീതിയില്‍ പ്രചരിക്കുന്ന ഫോട്ടോയെന്നും ജി.പി വ്യക്തമാക്കി. വനിത ഓണ്‍ലൈനോടാണ് താരം പ്രതികരണം നടത്തിയത്.
കഴിഞ്ഞ ദിവസങ്ങളില്‍ ജി.പി വിവാഹിതനായെന്ന രീതിയില്‍ വാര്‍ത്തകള്‍ വ്യാപകമായി പ്രചരിച്ചിരുന്നു. ഇതിന് പിന്നാലെയാണ് നടന്‍ തന്നെ വിശദീകരണവുമായി രംഗത്തെത്തിയത്
‘സ്വകാര്യ ചാനല്‍ സംപ്രേഷണം ചെയുന്ന മിസ്റ്റര്‍ ആന്‍ഡ് മിസിസ്സ് റിയാലിറ്റി ഷോയിലെ ഗ്രാന്‍ഡ് ഫിനാലെയുടെ ഭാഗമായുള്ള ഷൂട്ട്. അതിനിടയില്‍ എപ്പോഴോ എടുത്ത ചിത്രം. ആ ചിത്രം മുന്‍നിര്‍ത്തിയാണ് എന്റെ വിവാഹം സോഷ്യല്‍ മീഡിയ ആഘോഷിക്കുന്നത്.
