മൂക്കില്‍ മൂന്ന് സ്റ്റിച്ചുണ്ട്, അപകടത്തില്‍ നിന്ന് രക്ഷപ്പെട്ടത് തലനാരിഴയ്ക്ക്: ഫഹദ് ഫാസില്‍
എന്റര്‍ടെയിന്‍മെന്റ് ഡെസ്‌ക്
Wednesday, 16th June 2021, 10:35 pm
കൊച്ചി: സിനിമാ ചിത്രീകരണത്തിനിടെയുണ്ടായ അപകടത്തില്‍ നിന്ന് ഭേദമായി വരികയാണെന്ന് നടന്‍ ഫഹദ് ഫാസില്‍. ഫേസ്ബുക്കില്‍ പങ്കുവെച്ച കുറിപ്പിലാണ് ഫഹദ് ഇക്കാര്യം വ്യക്തമാക്കിയത്.
‘മലയന്‍കുഞ്ഞ്’ എന്ന സിനിമയുടെ ചിത്രീകരണത്തിനിടെയാണ് ഫഹദിന് അപകടം സംഭവിച്ചത്.
മുഖം നിലത്തിടിക്കുന്നതിന് മുന്‍പ് കൈ കുത്തിയതിനാല്‍ വലിയ അപകടമുണ്ടായില്ലെന്നും പൊതുവെ ഇത്തരം വീഴ്ചകളില്‍ കൈ കുത്താന്‍ സാധിക്കില്ലെന്നാണ് ഡോക്ടര്‍ പറഞ്ഞതെന്നും ഫഹദ് പറഞ്ഞു.
‘ഉയരത്തില്‍ നിന്നും വീണ ഞാന്‍ മുഖംവന്നു തറയില്‍ അടിക്കുന്നതിനു മുന്‍പ്, കൈകള്‍ താഴെ കുത്തിയതാണ് അപകടത്തിന്റെ ആഘാതം കുറച്ചത്. സാധാരണ ഇത്രയും ഉയരത്തില്‍ നിന്നും വീഴുമ്പോള്‍, വീഴുന്നതിന്റെ ‘ട്രോമ’ കാരണം തന്നെ ആളുകള്‍ക്ക് കൈകുത്താന്‍ സാധിക്കില്ല. ഭാഗ്യം അവിടെ എന്നെ തുണയ്ക്കുകയായിരുന്നു,’ ഫഹദ് പറഞ്ഞു.
