നടന്‍ ദേവന്‍ ബി.ജെ.പിയില്‍ ചേര്‍ന്നു
ഡൂള്‍ന്യൂസ് ഡെസ്‌ക്
Sunday, 7th March 2021, 7:12 pm
തിരുവനന്തപുരം: നടന്‍ ദേവന്‍ ബി.ജെ.പിയില്‍ ചേര്‍ന്നു. തിരുവനന്തപുരത്ത് നടന്ന ബി.ജെ.പിയുടെ വിജയയാത്ര സമാപന വേദിയില്‍ വെച്ചായിരുന്നു അംഗത്വം സ്വീകരിച്ചത്.
തെരഞ്ഞെടുപ്പിനോടനുബന്ധിച്ച് ദേവന്‍ പുതിയ രാഷ്ട്രീയ പാര്‍ട്ടി രൂപീകരിച്ചിരുന്നു. നവകേരള പീപ്പിള്‍സ് പാര്‍ട്ടി എന്ന പേരിലാണ് പുതിയ പാര്‍ട്ടി രൂപീകരിച്ചിരുന്നത്.
തന്റെ പാര്‍ട്ടിയെ ബി.ജെ.പിയില്‍ ലയിപ്പിച്ചാണ് അംഗത്വം സ്വീകരിച്ചതെന്നും ദേവന്‍ പറഞ്ഞു.
പതിനേഴ് വര്‍ഷം ഒരു കുഞ്ഞിനെ നോക്കുന്നതു പോലെയാണ് താന്‍ തന്റെ പാര്‍ട്ടിയെ വളര്‍ത്തിക്കൊണ്ടുവന്നതെന്നും അദ്ദേഹം പറഞ്ഞു. സിനിമയില്‍ വന്നതിന് ശേഷം
രാഷ്ട്രീയത്തിലേക്ക് വന്നയാളല്ല താനെന്നും കോളെജ് കാലം തൊട്ടെ വിദ്യാര്‍ത്ഥി രാഷ്ട്രീയത്തില്‍ സജീവമായിരുന്നുവെന്നും ദേവന്‍ പറഞ്ഞു.
