തരുണ്‍ മൂര്‍ത്തി സംവിധാനം ചെയ്ത രണ്ട് ചിത്രങ്ങളിലും പ്രധാന കഥാപാത്രങ്ങളുടെ റോളുകളില്‍ എത്തിയ താരങ്ങളാണ് ബിനു പപ്പുവും ലുക്മാന്‍ അവറാനും. ഓപ്പറേഷന്‍ ജാവയില്‍ ജോയും വിനയ ദാസനുമാണെങ്കില്‍ സൗദി വെള്ളക്കയില്‍ ബ്രിട്ടോയും കുഞ്ഞുമോനുമായാണ് ഇരുവരുമെത്തിയത്.
സൗദി വെള്ളക്കയില്‍ ഏറ്റവും വലിയ ടാസ്‌ക്ക് ഉള്ളത് തനിക്കും ലുക്മാനുമായിരുന്നുവെന്ന് ബിനു പപ്പു ഡൂള്‍ ന്യൂസിനോട് പറഞ്ഞു. ഒരിക്കലും ഓപ്പറേഷന്‍ ജാവയിലെ കഥാപാത്രങ്ങളുമായി സാമ്യത തോന്നരുതെന്ന് നിര്‍ബന്ധമുണ്ടായിരുന്നുവെന്നും ബിനു പപ്പു പറഞ്ഞു. സീന്‍ എടുത്ത് കഴിഞ്ഞാല്‍ മോണിറ്റര്‍ പരിശോധിച്ച് ഉറപ്പ് വരുത്താറുണ്ടെന്നും അദ്ദേഹം പറഞ്ഞു.
”സൗദി വെള്ളക്കയില്‍ ഏറ്റവും വലിയ ടാസ്‌ക്ക് ഉള്ളത് എനിക്കും ലുക്മാനുമാണ്. കാരണം ഞങ്ങളൊരിക്കലും ജാവയിലുള്ള ജോയും വിനയ ദാസനുമാവരുതായിരുന്നു. കുറച്ച് ഇമോഷണല്‍ കണക്ഷന്‍ സീനുകള്‍ ആ സിനിമയിലും ഇതിലും ഞങ്ങള്‍ക്കുണ്ട്.
