പ്രജയിലെ ഓരോ ഡയലോഗ് പറയുമ്പോഴും ഞാന്‍ ഞെട്ടും, മീറ്റര്‍ എന്താണെന്ന് അന്നെനിക്ക് അറിയില്ലായിരുന്നു: ബാബുരാജ്
എന്റര്‍ടെയിന്‍മെന്റ് ഡെസ്‌ക്
Tuesday, 22nd November 2022, 7:57 pm
ജോഷിയുടെ സംവിധാനത്തില്‍ 2001ല്‍ പുറത്തിറങ്ങിയ സിനിമയാണ് പ്രജ. രണ്‍ജി പണിക്കറുടെ തിരക്കഥയിലെ നീണ്ട ഡയലോഗുകളായിരുന്നു സിനിമയുടെ പ്രധാന സവിശേഷത.
മോഹന്‍ലാല്‍, ഐശ്വര്യ ഭാസ്‌കര്‍, കൊച്ചിന്‍ ഹനീഫ, വിജയരാഘവന്‍ തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രത്തില്‍ വില്ലന്‍ കഥാപാത്രമായാണ് ബാബുരാജ് എത്തിയിരുന്നത്. സിനിമയുടെ ഷൂട്ടിങ് ലൊക്കേഷനില്‍ നടന്ന സംഭവങ്ങള്‍ പങ്കുവെക്കുകയാണ് ജിഞ്ചര്‍ മീഡിയക്ക് നല്‍കിയ അഭിമുഖത്തില്‍ ബാബുരാജ്.
‘ ഞാന്‍ ഈ മീറ്റര്‍ എന്ന വാക്കൊക്കെ കേള്‍ക്കുന്നത് തന്നെ ആദ്യമായിട്ടാണ്. പ്രജ എന്ന സിനിമയിലൊക്കെ എനിക്ക് നീണ്ട ഡയലോഗുണ്ട്. ഓരോ പ്രാവശ്യവും ഡയലോഗ് പറയുമ്പോള്‍ ഞാന്‍ ഞെട്ടും. ആദ്യം ഞാന്‍ കരുതി വേറേ ആര്‍ക്കെങ്കിലും പറയാനുള്ള ഡയലോഗ് ആയിരിക്കുമെന്ന്.
