നടന്‍ അശോകന്‍ ആദ്യമായി സിനിമാ പിന്നണി ഗായകനാകുന്നു. വി.കെ പ്രകാശിന്റെ സംവിധാനത്തിൽ മീര ജാസ്മിന്‍ നായികയായി എത്തുന്ന ‘പാലും പഴവും’ എന്ന ചിത്രത്തിലൂടെയാണ് അശോകന്റെ ഗായകനായിട്ടുള്ള അരങ്ങേറ്റം.
ഓഗസ്റ്റ് 23ന് റിലീസ് ചെയ്യുന്ന ‘പാലും പഴവും’ എന്ന ചിത്രത്തില്‍ ഒരു പ്രധാന വേഷത്തിലും അശോകന്‍ എത്തുന്നുണ്ട്. ‘പാട്ടിനൊപ്പം കൂട്ടുമായി പോകുന്നേ മേഘജാലം… ഉള്ളാകെ ഓളം ഉല്ലാസ മേളം..’എന്ന് തുടങ്ങുന്ന പാട്ട് പനോരമ മ്യൂസിക് ആണ് പുറത്തിറക്കിയിരിക്കുന്നത്. ഒരു ഉല്ലാസയാത്രയുടെ മൂഡിലാണ് പാട്ട് ഒരുക്കിയിരിക്കുന്നത്.
ഷൂട്ടിങ് ലൊക്കേഷനുകളില്‍ വച്ച് വെറുതെയിരിക്കുമ്പോള്‍ പാട്ടുപാടുന്ന അശോകനോട് സംവിധായകനായ വി.കെ. പ്രകാശ് ഈ ചിത്രത്തിലെ ഒരു പാട്ട് പാടാനായി ആവശ്യപ്പെടുകയായിരുന്നു. ജസ്റ്റിന്‍ – ഉദയ് എന്നിവര്‍ സംഗീതം ഒരുക്കുന്ന പാട്ടിന് വരികള്‍ എഴുതിയത് നിതീഷ് നടേരിയാണ്. ‘പാലും പഴവും’ പേര് സൂചിപ്പിക്കുന്നതുപോലെ ഒരു കോമഡി എന്റര്‍ടെയ്‌നറാണ്.
മീര ജാസ്മിനും അശോകനും പുറമെ അശ്വിന്‍ ജോസ്, ശാന്തി കൃഷ്ണ, മണിയന്‍പിള്ള രാജു, നിഷ സാരംഗ്, മിഥുന്‍ രമേഷ്, സുമേഷ് ചന്ദ്രന്‍, ആദില്‍ ഇബ്രാഹിം, രചന നാരായണന്‍കുട്ടി, സന്ധ്യ രാജേന്ദ്രന്‍, ബാബു സെബാസ്റ്റ്യന്‍, ഷിനു ശ്യാമളന്‍, തുഷാര, ഷമീര്‍ ഖാന്‍, ഫ്രാന്‍ങ്കോ ഫ്രാന്‍സിസ്, വിനീത് രാമചന്ദ്രന്‍, രഞ്ജിത്ത് മണമ്പ്രക്കാട്ട്, അതുല്‍ റാം കുമാര്‍, പ്രണവ് യേശുദാസ്, ആര്‍.ജെ. സൂരജ് തുടങ്ങി വലിയൊരു താരനിര തന്നെ ചിത്രത്തിലുണ്ട്.
ടു ക്രിയേറ്റീവ് മൈന്‍ഡ്‌സിന്റെ ബാനറില്‍ വിനോദ് ഉണ്ണിത്താനും സമീര്‍ സേട്ടും ചേര്‍ന്നാണ് ചിത്രത്തിന്റെ നിര്‍മാണം. സൂപ്പര്‍വൈസിങ് പ്രൊഡ്യൂസര്‍ – രഞ്ജിത്ത് മണമ്പ്രക്കാട്ട്. ചിത്രത്തിന്റെ കഥ, തിരക്കഥ, സംഭാഷണം – ആഷിഷ് രജനി ഉണ്ണികൃഷ്ണന്‍. ഛായാഗ്രഹണം – രാഹുല്‍ ദീപ്, എഡിറ്റര്‍ – പ്രവീണ്‍ പ്രഭാകര്‍.
സംഗീതം – ഗോപി സുന്ദര്‍, സച്ചിന്‍ ബാലു, ജോയല്‍ ജോണ്‍സ് , ജസ്റ്റിന്‍ – ഉദയ്, വരികള്‍ – സുഹൈല്‍ കോയ, നിതീഷ് നടേരി, വിവേക് മുഴക്കുന്ന്, ടിറ്റോ പി. തങ്കച്ചന്‍. പശ്ചാത്തല സംഗീതം – ഗോപി സുന്ദര്‍, സൗണ്ട് ഡിസൈനര്‍ & മിക്‌സിങ് – സിനോയ് ജോസഫ്, പ്രൊഡക്ഷന്‍ ഡിസൈനര്‍ – സാബു മോഹന്‍.
പ്രൊജക്റ്റ് ഡിസൈനര്‍ – ബാബു മുരുഗന്‍, പി.ആര്‍.ഒ – മഞ്ജു ഗോപിനാഥ്, സ്റ്റില്‍സ് – അജി മസ്‌കറ്റ്, ഡിസൈന്‍സ് – യെല്ലോ ടൂത്ത്‌സ്. കേരളത്തില്‍ ഡ്രീം ബിഗ് ഫിലിംസ് ആണ് ചിത്രം പ്രദര്‍ശനത്തിനെത്തിക്കുന്നത്. എ.പി. ഇന്റര്‍നാഷണലാണ് കേരളത്തിന് പുറത്ത് ചിത്രം വിതരണം ചെയ്യുന്നത്. ഫാര്‍സ് ഫിലിംസാണ് ഓവര്‍സീസ് ഡിസ്ട്രിബ്യൂഷന്‍ നിര്‍വ്വഹിക്കുന്നത്.
Content Highlight: Actor Ashokan Sing For Meera Jasmine’s Film
