ട്രിവാന്‍ഡ്രം ലോഡ്ജിന്റെ രണ്ടാം ഭാഗം വരുന്നു, പക്ഷേ ആ സിനിമ ഇങ്ങനെയായിരിക്കും: അനൂപ് മേനോന്‍
എന്റര്‍ടെയിന്‍മെന്റ് ഡെസ്‌ക്
Friday, 14th October 2022, 7:36 pm
ട്രിവാന്‍ഡ്രം ലോഡ്ജിന്റെ രണ്ടാം ഭാഗം ചെയ്യുന്നുണ്ടെന്ന് നടന്‍ അനൂപ് മേനോന്‍. വരാല്‍ എന്ന പുതിയ സിനിമയുടെ പ്രൊമോഷന്റെ ഭാഗമായി നടന്ന പ്രസ് മീറ്റിലാണ് രണ്ടാം ഭാഗത്തെക്കുറിച്ച് അനൂപ് മേനോന്‍ പറഞ്ഞത്. ട്രിവാന്‍ഡ്രം ലോഡ്ജിന്റെ രണ്ടാം ഭാഗമായി മദ്രാസ് ലോഡ്ജ് വരുന്നുണ്ടെന്ന രീതിയില്‍ മുമ്പ് വാര്‍ത്തകള്‍ വന്നിരുന്നു. ഇതിനെക്കുറിച്ചുള്ള ചോദ്യത്തിനായിരുന്നു താരം പ്രതികരിച്ചത്.
”ട്രിവാന്‍ഡ്രം ലോഡ്ജിന്റെ രണ്ടാം ഭാഗമല്ലായിരുന്നു മദ്രാസ് ലോഡ്ജ്. മലയാള സിനിമയുടെ ബേസിലുള്ള മറ്റൊരു സിനിമയായിരുന്നു. പഴയ ഉമ ലോഡ്ജിന് മദ്രാസ് ലോഡ്‌ജെന്ന് പേരിട്ട് ചെയ്യാനായിരുന്നു പ്ലാന്‍.
അതെന്റെയൊരു വലിയ പ്രൊജക്ടാണ് ഇനി വരുമായിരുക്കും. വലിയ താരങ്ങളുള്ള സിനിമയാണത്. അന്ന് അതൊരു ചെറിയ പ്രൊജക്ടായി ചെയ്യാനായിരുന്നു വിചാരിച്ചത്. പക്ഷേ എഴുതി വന്നപ്പോള്‍ വലിയ സിനിമയായി.
