അബുദാബി: സുദീപ്തോ സെന്‍ സംവിധാനം ചെയ്ത ദി കേരള സ്റ്റോറി ഒരു പ്രൊപ്പഗണ്ട സിനിമയാണെന്ന് നടനും മക്കള്‍ നീതി മയ്യം നേതാവുമായ കമല്‍ ഹാസന്‍. ചിത്രത്തിന്റെ പേരിന് താഴെ ഒരു ‘യഥാര്‍ത്ഥ കഥ’ എന്ന് ചേര്‍ത്താല്‍ ജനങ്ങളെ വിശ്വസിപ്പിക്കാന്‍ സിനിമയുടെ നിര്‍മാതാക്കള്‍ക്ക് കഴിയില്ലെന്നും അദ്ദേഹം പറഞ്ഞു. അബുദാബിയില്‍ മാധ്യമങ്ങളോട് സംസാരിക്കുകയായിരുന്നു കമല്‍ ഹാസന്‍.
‘ഞാന്‍ നിങ്ങളോട് മുമ്പും പറഞ്ഞിട്ടുണ്ട്, ഈ സിനിമയെ എതിര്‍ക്കുന്നു. കേരള സ്റ്റോറി പ്രൊപ്പഗാന്‍ഡിസ്റ്റ് സിനിമകളിലൊന്നാണ്. ‘യഥാര്‍ത്ഥ കഥ’ എന്ന് താഴെ എഴുതിയാല്‍ മാത്രം പോരാ.
ഇത് ശരിക്കും സത്യമായിരിക്കണം, എന്നാല്‍ അത് അത് ശരിയല്ല,’ കമല്‍ ഹാസന്‍ പറഞ്ഞു.
പാര്‍ലമെന്റ് മന്ദിര ഉദ്ഘാടനത്തില്‍ നിന്നും രാഷ്ട്രപതി ദ്രൗപതി മുര്‍മുവിനെ ഒഴിവാക്കിയത് എന്തുകൊണ്ടാണെന്നും കമല്‍ ഹാസന്‍ ചോദിച്ചു.
#WATCH | Abu Dhabi | “I told you, it’s propagandist films that I am against. It’s not enough if you write ‘true story’ just at the bottom as a logo. It has to really be true and that is not true,” says actor and politician Kamal Haasan on #TheKeralaStory pic.twitter.com/VSydksg1Z3
— ANI (@ANI) May 27, 2023
‘അഭിമാനത്തിന്റെ ഈ നിമിഷം രാഷ്ട്രീയമായി വിഭജിക്കപ്പെട്ടിരിക്കുന്നു. പ്രധാനമന്ത്രി നരേന്ദ്ര മോദിയോട് എനിക്ക് ഒരു ചോദ്യമാണുള്ളത്.
