'ഒരു പക വീട്ടല് പ്രതീക്ഷിച്ചിരുന്നു, പക്ഷെ ഇത്രക്ക് പ്രതീക്ഷിച്ചില്ല'; ഭാര്യയില്‍ നിന്ന് എട്ടിന്റെ പണിതിരികെ കിട്ടി ബേസില്‍ ജോസഫ്; വൈറല്‍ വീഡിയോ
എന്റര്‍ടെയിന്‍മെന്റ് ഡെസ്‌ക്
Wednesday, 18th August 2021, 10:07 pm
കൊച്ചി: സംവിധായകന്‍ എന്ന നിലയിലും അഭിനേതാവ് എന്ന നിലയിലും ഏറെ ആരാധകരുള്ള വ്യക്തിയാണ് ബേസില്‍ ജോസഫ്. ഇപ്പോഴിതാ തനിക്ക് കിട്ടിയ ഒരു എട്ടിന്റെ പണിയുടെ വീഡിയോ പങ്കുവെച്ചിരിക്കുകയാണ് ബേസില്‍.
ഉറങ്ങിക്കിടന്ന ഭാര്യയെ ബേസില്‍ ഒരു ബലൂണ്‍ പൊട്ടിച്ച് ഉണര്‍ത്തുന്നതാണ് വീഡിയോയില്‍ ഉള്ളത്. എന്നാല്‍ ഈ പണി ചീറ്റി പോയന്ന് ബേസില്‍ തന്നെ പറയുന്നുണ്ട്.
എന്നാല്‍ ഇതിന് മറുപണി ബേസിലിന്റെ ഭാര്യ എലിസബത്ത് നല്‍കുകയും ചെയ്തു. ഉറങ്ങിക്കിടന്ന ബേസിലിന്റെ തലയില്‍കൂടി വെള്ളം ഒഴിച്ചാണ് എലിസബത്ത് പകരം വീട്ടിയത്.
