കെ.സി.ബി.സി ആസ്ഥാനത്തെത്തി സുരേഷ് ഗോപി; തെരഞ്ഞെടുപ്പുമായി സന്ദര്‍ശനത്തിന് ബന്ധമില്ലെന്ന് നടന്‍
ഡൂള്‍ന്യൂസ് ഡെസ്‌ക്
Sunday, 3rd September 2023, 11:52 pm
കൊച്ചി: കെ.സി.ബി.സി ആസ്ഥാനത്ത് സന്ദര്‍ശനം നടത്തി നടനും ബി.ജെ.പി നേതാവുമായ സുരേഷ് ഗോപി. കൊച്ചിയിലെ കേരളാ കത്തോലിക്ക സഭയുടെ ആസ്ഥാന കാര്യലയത്തിലെത്തിയ അദ്ദേഹം വൈദികരുമായി കൂടിക്കാഴ്ച നടത്തി. മുതിര്‍ന്ന മെത്രാന്മാരൊന്നും ഈ സമയം ആസ്ഥാനത്ത് ഉണ്ടായിരുന്നില്ല.
പുതുപ്പള്ളി ഉപതെരഞ്ഞെടുപ്പിന്റെ പശ്ചാത്തലത്തിലാണ് സന്ദര്‍ശനം. എന്നാല്‍ സൗഹൃദ സന്ദര്‍ശനമാണ് നടത്തിയതെന്നും തെരഞ്ഞെടുപ്പുമായി സന്ദര്‍ശനത്തിന് ബന്ധമില്ലെന്നും സുരേഷ് ഗോപി പ്രതികരിച്ചു. കാര്യമായി മാധ്യമങ്ങളോട് പ്രതികരിക്കാതിരുന്ന അദ്ദേഹം ഭക്ഷണം കഴിച്ചുമടങ്ങുകയാണെന്നും പറഞ്ഞു.
