കൊച്ചി: കുറഞ്ഞകാലയളവില്‍ മലയാളത്തില്‍ തന്റേതായ ഇടം നേടിയ നടനാണ് അജു വര്‍ഗ്ഗീസ്. വിനീത് ശ്രീനിവാസന്‍ സംവിധാനം ചെയ്ത മലര്‍വാടി ആര്‍ട്‌സ് ക്ലബ്ബിലൂടെ സിനിമയിലെത്തിയ അജു പിന്നീട് അഭിനയിച്ച ചിത്രങ്ങളെല്ലാം മലയാളികള്‍ നെഞ്ചിലേറ്റിയിരുന്നു.
ഹ്യൂമറും സീരിയസ്സ് റോളുകളും തനിക്ക് ചെയ്യാന്‍ കഴിയുമെന്ന് തെളിയിച്ച നടന്‍ കൂടിയാണ് അജു. ഈയടുത്ത് ബിഹൈന്‍ഡ് വുഡ്‌സിന് നല്‍കിയ അഭിമുഖത്തില്‍ അജു നല്‍കിയ അഭിമുഖം ഏറെ ശ്രദ്ധേയമായിരുന്നു.
സിനിമയില്‍ അഭിനയിച്ചപ്പോള്‍ ക്രഷ് തോന്നിയ നായിക ആരാണെന്ന ചോദ്യത്തിന് അജു നല്‍കിയ രസകരമായ മറുപടിയാണ് ആരാധകര്‍ ഏറ്റെടുത്തിരിക്കുന്നത്.
‘അങ്ങനെയാരുമില്ല. എനിക്ക് എവിടുന്നാ നായിക കഥാപാത്രങ്ങള്‍ കിട്ടിയിട്ടുള്ളത്. അപ്പുറത്ത് നില്‍ക്കുന്നയാളുടെ നായിക കഥാപാത്രത്തെക്കണ്ട് എനിക്ക് ഇന്ഫാക്ച്വേഷന് തോന്നിയിട്ട് എന്ത് കാര്യം?(ചിരിക്കുന്നു). പിന്നെ മനസ്സില്‍ തോന്നിയതാണെങ്കില്‍ കുറെ പേരോട് തോന്നിയിട്ടുണ്ട്.
