സിനിമ പോലെ തന്നെ വാഹനങ്ങളോടും ഏറെ ഇഷ്ടമുള്ള വ്യക്തിയാണ് തമിഴ് നടന്‍ അജിത് കുമാര്‍. സിനിമയ്ക്ക് പുറമെ ബൈക്ക് യാത്രകള്‍ക്കും കാര്‍ റേസിംഗിനും താരം സമയം കണ്ടെത്താറുണ്ട്.

ഇപ്പോഴിതാ സിനിമയ്ക്ക് താല്‍ക്കാലിക അവധി നല്‍കി ബൈക്കില്‍ ലോക സഞ്ചാരം ആരംഭിക്കാനൊരുങ്ങുകയാണ് താരം. ഇതിന് മുന്നോടിയായി ലോക പ്രശസ്ത ബൈക്കറും ഫാഷന്‍ ഡിസൈനറുമായ മാരല്‍ യാര്‍സാലുമായി അജിത് കൂടിക്കാഴ്ച നടത്തി.

ബൈക്കില്‍ 64 രാജ്യങ്ങള്‍ സഞ്ചരിച്ചിട്ടുള്ള വ്യക്തിയാണ് മാരല്‍. ഇവരുടെ അനുഭവങ്ങള്‍ അറിയുന്നതിനും ലോകയാത്രയ്ക്കായുള്ള അഭിപ്രായങ്ങളും നിര്‍ദേശങ്ങളും പങ്കുവെക്കുന്നതിനുമായി ദല്‍ഹിയില്‍ വെച്ചാണ് അജിത് കൂടിക്കാഴ്ച നടത്തിയത്.

നേരത്തെ റഷ്യയില്‍ ബൈക്കില്‍ 10000 കിലോമീറ്റര്‍ സഞ്ചരിച്ചിരുന്നു. ബി.എം.ഡബ്ല്യു ആര്‍ 1250 ജി.എസ് ആണ് അജിത്ത് ഉപയോഗിക്കുന്ന വാഹനം.

അതേസമയം അജിത്തിന്റെ പുതിയ ചിത്രത്തിനായി അക്ഷമയോടെ കാത്തിരിക്കുകയാണ് ആരാധകര്‍. ‘വാലിമൈ’ ആണ് അജിത്തിന്റെ പുതിയ ചിത്രം. 2019 ന് ശേഷം ഒരു അജിത്ത് ചിത്രം റിലീസ് ചെയ്തിട്ടില്ല.

With Maral Yazarloo. Maral has traveled solo around the world on a motorcycle. She covered 7 continents and 64 countries.
Ak met up with her in Delhi to know of her experiences and seek her suggestions to enable plan his motorcycle tour around the world in the coming future pic.twitter.com/60HsTs5Mo4

— Suresh Chandra (@SureshChandraa) September 20, 2021

നേര്‍ക്കൊണ്ട പാര്‍വൈയാണ് അജിത്തിന്റെതായി റിലീസ് ചെയ്ത അവസാന ചിത്രം. എച്ച്.വിനോദ് സംവിധാനം ചെയ്യുന്ന വാലിമൈ ചിത്രം നിര്‍മ്മിക്കുന്നത് ബോണി കപൂറിന്റെ ബേവ്യൂ പ്രൊജക്ട്സ് ലിമിറ്റഡാണ്.

ഹുമ ഖുറേഷി, യോഗി ബാബു തുടങ്ങിയവരാണ് മറ്റു പ്രധാനകഥാപാത്രങ്ങളെ അവതരിപ്പിക്കുന്നത്.

ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ

ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും  ഫോളോ ചെയ്യാം

Actor Ajith Kumar starts his world tour on a bike