പിതാവിന്റെ അന്ത്യകര്‍മ്മങ്ങള്‍ക്ക് ശേഷം 'മുഷ്ടി ചുരുട്ടി' വീണ്ടും ജയിലിലേക്ക്; പൗരത്വ സമര പോരാളി നതാഷ നര്‍വാളിന്റെ ചിത്രം ഏറ്റെടുത്ത് സോഷ്യല്‍ മീഡിയ
ഡൂള്‍ന്യൂസ് ഡെസ്‌ക്
Sunday, 30th May 2021, 10:20 pm
ന്യൂദല്‍ഹി: പിതാവിന്റെ അന്ത്യകര്‍മ്മങ്ങള്‍ ചെയ്യാന്‍ മൂന്നാഴ്ചത്തെ ഇടക്കാല ജാമ്യത്തിന് ശേഷം പൗരത്വ സമര പോരാളി നതാഷ നര്വാള് വീണ്ടും ജയിലിലേക്ക് മടങ്ങി. മുഷ്ടി ചുരുട്ടി ജയിലിലേക്ക് തിരിച്ച് പോകുന്നത് നതാഷയുടെ ചിത്രം ഇതിനകം സാമൂഹ്യ മാധ്യമങ്ങളില്‍ വൈറലായട്ടുണ്ട്. നിവധി പേരാണ് ഈ ചിത്രം ഷെയര്‍ ചെയ്തത്.
വടക്കു കിഴക്കന്‍ ദല്‍ഹിയില്‍ നടന്ന വംശഹത്യയുമായി ബന്ധപ്പെട്ട കേസില്‍ യു.എ.പി.എ ചുമത്തപ്പെട്ട് ജയിലില്‍ കഴിയുന്ന പിഞ്ച്ര തോഡ് പ്രവര്‍ത്തക നതാഷ നര്‍വാളിനു കഴിഞ്ഞ മെയ് 10നാണ്
ദല്‍ഹി ഹൈക്കോടതി മൂന്നാഴ്ചത്തെ ഇടക്കാല ജാമ്യം അനുവദിച്ചത്.
നതാഷ നര്‍വാളിന്റെ പിതാവ് മഹാവീര്‍ നര്വാള് കൊവിഡ് ബാധിച്ച് മരണപ്പെട്ടിരുന്നു. ഇതേതുടര്‍ന്നായിരുന്നു ദല്‍ഹി ഹൈക്കോടതി മൂന്നാഴ്ചത്തെ ഇടക്കാല ജാമ്യം അനുവദിച്ചത്.
