യു.ഡി.എഫ് സര്‍ക്കാരിനെ പിടിച്ചുലച്ച സോളാര്‍ കേസുമായി ബന്ധപ്പെട്ടും ശാലുമേനോന്റെ പേര് ഉയര്‍ന്നുകേട്ടിരുന്നു. കേസില്‍ അറസ്റ്റിലായ ശാലു റിമാന്‍ഡിലാവുകയും ചെയ്തിരുന്നു
സിനിമ-സീരിയല്‍ താരവും നര്‍ത്തകിയുമായ ശാലു മേനോന്‍ ഇന്ന് വിവാഹിതയാകും. സീരിയല്‍ നടനും കൊല്ലം സ്വദേശിയുമായ സജി ജി നായരാണ് വരന്‍.
ഗുരുവായൂര്‍ക്ഷേത്രത്തില്‍ വെച്ചാണ് ശാലുവിന്റെ വിവാഹം. നാളെ കൊല്ലം സുരഭി ഓഡിറ്റോറിയത്തില്‍ വെച്ച് വിവാഹപാര്‍ട്ടിയും നടക്കും.
പുരാണ സീരിയലില്‍ വേഷമിടുന്ന നടനാണ് സജി.ജി നായര്‍. സീരിയലുകളിലൂടെ അഭിനയ രംഗത്തേക്കു കടന്നുവന്ന ശാലു കിസാന്‍, വക്കാലത്ത് നാരായണന്‍കുട്ടി, പാതിരാമണല്‍, മകള്‍ക്ക് തുടങ്ങിയ ചിത്രങ്ങളിലും വേഷമിട്ടിരുന്നു.
യു.ഡി.എഫ് സര്‍ക്കാരിനെ പിടിച്ചുലച്ച സോളാര്‍ കേസുമായി ബന്ധപ്പെട്ടും ശാലുമേനോന്റെ പേര് ഉയര്‍ന്നുകേട്ടിരുന്നു. കേസില്‍ അറസ്റ്റിലായ ശാലു റിമാന്‍ഡിലാവുകയും ചെയ്തിരുന്നു.
സോളാര്‍ പാനല്‍ കേസില്‍ പ്രതിയായ ബിജു രാധാകൃഷ്ണനുമായുള്ള അടുപ്പമായിരുന്നു ശാലുവിനെ കേസന്വേഷണത്തിനിടെ കുടുക്കിയിരുന്നത്.
പിന്നീട് ഏറെ നാള്‍ സിനിമയില്‍നിന്നും സീരിയയില്‍ നിന്നും ശാലുമേനോന്‍ വിട്ടുനിന്നിരുന്നു. എന്നാല്‍ നൃത്തത്തില്‍ അവര്‍ സജീവമായിരുന്നു.