ടോയ്‌ലെറ്റ് സീറ്റ് മോഷ്ടിച്ചെന്ന് ആരോപണം; ദളിത് യുവാവിനെ കെട്ടിയിട്ട് മര്‍ദിച്ച് ബി.ജെ.പി നേതാവും സഹായികളും
ഡൂള്‍ന്യൂസ് ഡെസ്‌ക്
Sunday, 23rd October 2022, 4:02 pm
ലഖ്‌നൗ: ടോയ്‌ലെറ്റ് സീറ്റ് മോഷ്ടിച്ചെന്ന് ആരോപിച്ച് ദളിത് യുവാവിന് ബി.ജെ.പി നേതാവിന്റെ നേതൃത്വത്തില്‍ ക്രൂര മര്‍ദനം. ഉത്തര്‍പ്രദേശിലെ ബെഹ്‌റിച്ചിലാണ് സംഭവം. പ്രാദേശിക ബി.ജെ.പി നേതാവായ രാധേശ്യാം മിശ്രയും രണ്ട് സഹായികളും ചേര്‍ന്നാണ് യുവാവിനെ ക്രൂരമായി മര്‍ദിച്ചത്. ടോയ്‌ലെറ്റ് സീറ്റ് മോഷ്ടിച്ചെന്ന് ആരോപണത്തിന് പിന്നാലെ സംഘം ചേര്‍ന്ന് നാട്ടുകാര്‍ യുവാവിനെ മര്‍ദിക്കുകയായിരുന്നു. ഇതിന്റെ വീഡിയോയും പ്രതികള്‍ പകര്‍ത്തിയിരുന്നു.
യുവാവിന്റെ തലമുടിയുടെ പകുതി ഭാഗം അക്രമകാരികള്‍ വടിച്ചു. മുഖത്ത് കരി ഓയില്‍ ഒഴിച്ചതായും ഡെക്കാന്‍ ?ഹെറാള്‍ഡ് റിപ്പോര്‍ട്ട് ചെയ്യുന്നു.
