ഇന്ത്യന്‍ സമ്പത്തിന്റെ 40 ശതമാനവും 1 % അതിസമ്പന്നരുടെ കയ്യില്‍; 50 ശതമാനത്തിന്റെ പക്കലുള്ളത് 3 % സമ്പത്ത്
ഡൂള്‍ന്യൂസ് ഡെസ്‌ക്
Monday, 16th January 2023, 11:44 pm
ന്യൂദല്‍ഹി: ഇന്ത്യന്‍ ജനസംഖ്യയുടെ ഒരു ശതമാനമാണ് രാജ്യത്തിന്റെ മൊത്തം സമ്പത്തിന്റെ 40 ശതമാനത്തിലധികം കൈവശംവെക്കുന്നതെന്ന് പഠന റിപ്പോര്‍ട്ട്.
മറുവശത്ത് ആകെ ജനസംഖ്യയില്‍ സമ്പത്തികമായി പിന്നോക്കം നില്‍ക്കുന്ന 50 ശതമാനം ആളുകള്‍ മൂന്ന് ശതമാനം മാത്രമാണ് പങ്കിടുന്നതെന്നും പഠനം വ്യക്തമാക്കുന്നു.
ഓക്സ്ഫാം ഇന്റര്‍നാഷണലാണ്(Oxfam-Charitable organization) റിപ്പോര്‍ട്ട് പുറത്തുവിട്ടത്. വേള്‍ഡ് ഇക്കണോമിക് ഫോറത്തിന്റെ യോഗത്തിലാണ് ഓക്സ്ഫാം ഇന്റര്‍നാഷണല്‍ റിപ്പോര്‍ട്ട് അവതരിപ്പിച്ചത്. ‘സര്‍വൈവല്‍ ഓഫ് ദ റിച്ചസ്റ്റ്’ എന്ന പേരിലാണ് ഓക്സ്ഫാം റിപ്പോര്‍ട്ട് പ്രസിദ്ധീകരിച്ചത്.
കൊവിഡ് കാലത്ത് രാജ്യത്തെ ശതകോടീശ്വരന്മാരുടെ എണ്ണം വര്‍ധിച്ചതായും റിപ്പോര്‍ട്ടില്‍ പറയുന്നു. 2020ല്‍ 102 ആയിരുന്ന ശതകോടീശ്വരന്മാരുടെ എണ്ണം, 2022ല്‍ 166 ആയി ഉയര്‍ന്നു.
