അബുദാബി: ദീപാവലി ആശംസകള്‍ നേര്‍ന്ന് അബുദാബി കിരീടാവകാശിയും യു.എ.ഇ സേനാ ഉപമേധാവിയുമായ ശൈഖ് മുഹമ്മദ് ബിന്‍ സയിദ് അല്‍ നഹ്യാന്. ദീപങ്ങളുടെ ഉത്സവമായ ഈ ദിനത്തില്‍ ലോകമെമ്പാടും ദീപാവലി ആഘോഷിക്കുന്നവര്‍ക്ക് ആശംസകള്‍ നേരുന്നുവെന്നും ഏവര്‍ക്കും സമ്പല്‍ സമൃദ്ധി ഉണ്ടാവട്ടെയെന്നുമാണ് അബുദാബി കിരീടാവകാശി ട്വീറ്റ് ചെയ്തിരിക്കുന്നത്. അറബിയിലും ഇംഗ്ലീഷിലും ഇദ്ദേഹം ട്വീറ്റ് ചെയ്തിട്ടുണ്ട്.
ഇന്ത്യയിലുള്‍പ്പെടെ ലോകത്തിന്റെ വിവിധ ഭാഗങ്ങളില്‍ ദീപാവലി ആഘോഷം നടക്കവെയാണ് അബുദാബി കിരീടാവകാശിയുടെ ആശംസ. കൊവിഡിന്റെ പശ്ചാത്തലത്തില്‍ ഈ വര്‍ഷം ചെറിയ രീതിയിലാണ് രാജ്യത്ത് ദീപാവലി ആഘോഷം നടക്കുന്നത്.
On the occasion of Diwali, the festival of lights, we congratulate all those who celebrate around the world, and wish them continued prosperity and progress.
— محمد بن زايد (@MohamedBinZayed) November 13, 2020
