ഒതളങ്ങ തുരുത്ത് എന്ന വെബ് സീരീസിലൂടെ കടന്നുവന്ന് ജിത്തു മാധവ് സംവിധാനം ചെയ്ത രോമാഞ്ചം എന്ന ചിത്രത്തിലൂടെ മലയാളികള്‍ക്ക് സുപരിചിതനായ നടനാണ് നത്ത് എന്നറിയപ്പെടുന്ന അബിന് ജോര്‍ജ്.
അബിന്റെ പിറന്നാള്‍ കഴിഞ്ഞ ദിവസമായിരുന്നു ഇപ്പോഴിതാ അബിന്റെ പിറന്നാള്‍ ആഘോഷം ബസൂകയുടെ സെറ്റില്‍ മമ്മൂട്ടിയോടൊപ്പം ആഘോഷിക്കുന്ന വിഡിയോ ആണ് സോഷ്യല്‍ മീഡിയയില്‍ വൈറലാകുന്നത്.
മമ്മൂട്ടി തന്നെ അബിന്റെ കൈ പിടിച്ച് കേക്ക് മുറിക്കുന്ന വിഡിയോ അദ്ദേഹം തന്നെയാണ് സോഷ്യല്‍ മീഡിയയിലൂടെ പങ്കുവച്ചത്.
View this post on Instagram
‘ജീവിതത്തിന് യഥാര്‍ത്ഥ അര്‍ത്ഥം തോന്നിയ നിമിഷം’ എന്ന അടിപ്പികുറിപ്പോടെയാണ് അബിന് വിഡിയോ പങ്കുവെച്ചിരിക്കുന്നത്. ബസൂക്ക ടീമിനും അബിന് നന്ദി പറയുന്നുണ്ട്.
മമ്മൂക്കക്ക് ഒപ്പമുള്ള അബിന്റെ വിഡിയോ ആരാധകരും ഏറ്റെടുത്ത് കഴിഞ്ഞു. അബിന് പിറന്നാള്‍ ആശംസകളും നിരവധി പേര്‍ അറിയിക്കുന്നുണ്ട്.
ബസൂക്കയിലും അബിന് അഭിനയിക്കുന്നുണ്ട്. അതേസമയം ബസൂകയിലെ മമ്മൂട്ടിയുടെ പോര്‍ഷന്‍സിന്റെ ഷൂട്ടിങ് അവസാനിച്ചു എന്നാണ് ഏറ്റവും പുതിയ റിപ്പോര്‍ട്ട്.
നവാ?ഗതനായ ഡിനോ ഡെന്നിസിന്റെ സംവിധാനത്തിലാണ് ബാസൂക ഒരുങ്ങുന്നത്.
അടുത്ത രണ്ടോ മൂന്നോ ആഴ്ച്ചയ്ക്കുള്ളില്‍ ബസൂക്കയുടെ മുഴവന്‍ ചിത്രീകരണം പൂര്‍ത്തിയായേക്കുമെന്നാണ് റിപ്പോര്‍ട്ട്. ?ഗെയിം ത്രില്ലര്‍ വിഭാ?ഗത്തിലാണ് ചിത്രം ഒരുങ്ങുന്നത്.
ബസൂക്കയ്ക്ക് ശേഷം മിഥുന്‍ മാനുവല്‍ തോമസ് സംവിധാനം ചെയ്യുന്ന ‘അബ്രഹാം ഓസ്ലര്‍’ എന്ന ചിത്രത്തിലാകും മമ്മൂട്ടി അഭിനയിക്കുക.
ജയറാമിനെ നായകനാക്കി ഒരുക്കുന്ന ഒരു പൊലീസ് ഇന്‍വെസ്റ്റി?ഗേഷന്‍ ത്രില്ലറാണ് അബ്രഹാം ഓസ്ലര്‍. ചിത്രത്തില്‍ കാമിയോ വേഷത്തിലാണ് മമ്മൂട്ടിയെത്തുന്നത്. ഓസ്ലറിന്റെ ചിത്രീകരണം പൂര്‍ത്തിയാക്കിയതിന് ശേഷം രാഹുല്‍ സദാശിവന്റെ ഹൊറര്‍ സിനിമയില്‍ മമ്മൂട്ടി നായകനാകുമെന്നും റിപോര്‍ട്ടുകളുണ്ട്.
ഭൂതകാലം എന്ന സിനിമയിലൂടെ ശ്രദ്ധ നേടിയ സംവിധായകനാണ് രാഹുല്‍ സദാശിവന്‍. വൈ നോട്ട് സ്റ്റുഡിയോസ് ആദ്യമായി നിര്‍മ്മിക്കുന്ന മലയാള സിനിമയാണിത്.
ജിയോ ബേബിയുടെ സംവിധാനത്തില്‍ പുറത്തുവരാന്‍ ഇരിക്കുന്ന കാതല്‍, കണ്ണൂര്‍ സ്‌ക്വാഡ് എന്നിവയാണ് റിലീസിന് തയ്യാറെടുക്കുന്ന മറ്റ് മമ്മൂട്ടി ചിത്രങ്ങള്‍. ഇതില്‍ കണ്ണൂര്‍ സ്‌ക്വാഡിന്റെ പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുകയാണ്. ഛായാഗ്രാഹകനുമായ റോബി വര്‍ഗീസ് രാജാണ് കണ്ണൂര്‍ സ്‌ക്വാഡിന്റെ സംവിധാനം നിര്‍വഹിക്കുന്നത്. ചിത്രത്തില്‍ മമ്മൂട്ടിയുടെ കഥാപാത്രം എ.എസ്.ഐയാണ്.