ഐ.സി.സി ഏകദിന ലോകകപ്പിന് ശേഷമുള്ള ഇന്ത്യ-ഓസ്‌ട്രേലിയ ആദ്യ ടി-20 മത്സരത്തില്‍ ഇന്ത്യ രണ്ട് വിക്കറ്റുകള്‍ക്ക് ഓസ്‌ട്രേലിയയെ തോല്‍പ്പിച്ചിരുന്നു. മത്സരത്തില്‍ യുവതാരം റിങ്കു സിങ്ങിന്റെ മികച്ച ഫിനിഷിങ്ങിലൂടെയാണ് ഇന്ത്യ ജയം സ്വന്തമാക്കിയത്.
‘എം.എസ് ധോണി വര്‍ഷങ്ങളോളം ഇന്ത്യന്‍ ടീമിന്റെ ഫിനിഷിങ് റോളില്‍ മികച്ച പ്രകടനം നടത്തി. അതിന് ശേഷം ഇപ്പോള്‍ ഹര്‍ദിക് പാണ്ഡ്യ ഫിനിഷിംഗ് റോള്‍ നന്നായി കൈകാര്യം ചെയ്യുന്നുണ്ട്. ഇപ്പോള്‍ നമുക്ക് ഇവര്‍ക്ക് സമാനമായ റിങ്കു സിങ്ങിനെ ലഭിച്ചു. അവന്‍ 22 റണ്‍സ് മാത്രമാണ് നേടിയതെങ്കിലും മത്സരത്തില്‍ ആ റണ്ണുകളുടെ മൂല്യം എന്താണെന്ന് നോക്കൂ. എല്ലാ മത്സരങ്ങളും റിങ്കുവിന് ജയിപ്പിക്കാന്‍ സാധിക്കില്ല. എന്നാല്‍ അവനെപോലുള്ള ഒരു താരം ടീമില്‍ പ്രധാനമാണ്,’ അഭിഷേക് നായര്‍ സ്പോര്ട്സ് 18ല്‍ പറഞ്ഞു.
🏏🔥 Abhishek Nayar hails Rinku Singh as India’s next MS Dhoni, praising his composure and maturity after the southpaw’s match-winning knock in the first T20I against Australia. 🇮🇳🏏
This is one of the most fulfilling and heart warming pictures going around
The relationship between ABHISHEK NAYAR n RINKU SINGH
it was a partnership that started in 2018 during my time in KKR. Nayar always saw the potential in Rinku , he kept telling me, it was only a matter… pic.twitter.com/ia8nTJBElW
വിശാഖപട്ടണത്ത് നടന്ന മത്സരത്തില്‍ ടോസ് നേടിയ ഇന്ത്യ ബൗളിങ് തെരഞ്ഞെടുക്കുകയായിരുന്നു. ഓസീസ് ബാറ്റിങ് നിരയില്‍ ജോഷ് ഇന്‍ഗ്ലിസ് 50 പന്തില്‍ 112 നേടി മികച്ച പ്രകടനം നടത്തി. ഇന്‍ഗ്ലിസിന് പുറമെ സ്റ്റീവ് സ്മിത്ത് 52 റണ്‍സും നേടിയപ്പോള്‍ ഓസ്‌ട്രേലിയ 20 ഓവറില്‍ മൂന്ന് വിക്കറ്റ് നഷ്ടത്തില്‍ 208 റണ്‍സിന്റെ പടുകൂറ്റന്‍ റണ്‍സ് ഉയര്‍ത്തുകയായിരുന്നു.
ഇന്ത്യ 19.5 ഓവറില്‍ രണ്ട് വിക്കറ്റുകള്‍ ബാക്കി നില്‍ക്കേ ലക്ഷ്യം മറികടക്കുകയായിരുന്നു. ഇന്ത്യന്‍ നായകന്‍ സൂര്യകുമാര്‍ യാദവ് 42 പന്തില്‍ 80 റണ്‍സും ഇഷാന്‍ കിഷന്‍ 39 പന്തില്‍ 58 നേടി മികച്ച പ്രകടനം നടത്തി.
ജയത്തോടെ അഞ്ച് മത്സരങ്ങളുടെ പരമ്പരയില്‍ ഇന്ത്യ 1-0ത്തിന് മുന്നിലാണ്. നവംബര്‍ 26ന് തിരുവനന്തപുരം കാര്യവട്ടം സ്റ്റേഡിയത്തിലാണ് രണ്ടാം ടി-20.
