ഹൈദരാബാദ്: ശ്രീനിവാസ് റെഡ്ഡി ഉള്‍പ്പെടെയുള്ള ടി.എസ്.ആര്‍.ടി.സി (തെലങ്കാന സ്റ്റേറ്റ് റോഡ് ട്രാന്‍സ്‌പോര്‍ട്ട് കോര്പ്പറേഷന്)ഡ്രൈവര്‍മാര്‍ ആത്മഹത്യ ചെയ്ത സംഭവത്തില്‍ തെലുങ്കാന മുഖ്യമന്ത്രി കെ.ചന്ദ്രശേഖര റാവുവിനെതിരെ പരാതി.
അഭിഭാഷകനായ കെ.കരുണാ സാഗറാണ് പരാതി നല്‍കിയിരിക്കുന്നത്. കെ.ചന്ദ്രശേഖര റാവുവിനെതിരെയും സംസ്ഥാന ഗതാഗത മന്ത്രി പൂവാഡ അജയ്കുമാര്‍ എന്നിവര്‍ക്കെതിരെയുമാണ് അഭിഭാഷകന്‍ പരാതി നല്‍കിയിരിക്കുന്നത്. ആത്മഹത്യ പ്രേരണ കുറ്റം ആരോപിച്ചാണ് പരാതി.
ജോലി നഷ്ടപ്പെടുമെന്ന ഭീതിയെ തുടര്‍ന്നാണ് ശ്രീനിവാസ റെഡ്ഡി ആത്മഹത്യ ചെയ്തത്. തീകൊളുത്തു മരിക്കുകയായിരുന്നു.
പണിമുടക്ക് പിന്‍വലിക്കാന്‍ ജീവനക്കാര്‍ക്ക് സര്‍ക്കാര്‍ ഒക്ടോബര്‍ 5 വൈകുന്നേരം ആറ് മണിവരെ സര്‍ക്കാര്‍ സമയ പരിധി നല്‍കിയിരുന്നു. എന്നാല്‍ പണിമുടക്ക് അവസാനിപ്പിക്കാന്‍ ജീവനക്കാര്‍ തയ്യാറായിരുന്നില്ല.
പുറത്താക്കപ്പെട്ട ജീവനക്കാരുമായി ചര്‍ച്ചക്കില്ലെന്ന് ചന്ദ്രശേഖര റാവു പറഞ്ഞിരുന്നു. 1200 കോടി രൂപയുടെ നഷ്ടമാണ് കോര്പ്പറേഷന് ഉണ്ടായിരിക്കുന്നതെന്നും 5000 കോടിയോളം രൂപയുടെ ബാധ്യ കോര്പ്പറേഷന് ഉണ്ടെന്നും മുഖ്യമന്ത്രി പറഞ്ഞിരുന്നു.
