പിണറായി സര്‍ക്കാറിന്റെ സത്യപ്രതിജ്ഞ വൈകുന്നത് ജ്യോതിഷി പറഞ്ഞതുകൊണ്ടാണെന്ന ജന്മഭൂമി വാര്‍ത്ത ഷെയര്‍ ചെയ്ത് അബ്ദുറബ്ബ്
ഡൂള്‍ന്യൂസ് ഡെസ്‌ക്
Wednesday, 12th May 2021, 9:27 pm
മലപ്പുറം: കേരളത്തില്‍ രണ്ടാമതും വിജയത്തിലേറിയ ഇടതുപക്ഷ മുന്നണിയുടെ സത്യപ്രതിജ്ഞ വൈകുന്നത് ജ്യോതിഷി പറഞ്ഞതുകൊണ്ടാണെന്ന ബി.ജെ.പി മുഖപത്രം ജന്മഭൂമിയുടെ വാര്‍ത്ത ഷെയര്‍ ചെയ്ത് ലീഗ് നേതാവും മുന്‍ മന്ത്രിയുമായ പി.കെ അബ്ദുറബ്ബ്.
സത്യപ്രതിജ്ഞ വൈകുന്നത് ജ്യോതിഷിയുടെ നിര്‍ദ്ദേശപ്രകാരം എന്ന തലക്കെട്ടില്‍ സുജിത് വല്ലൂര്‍ എഴുതിയ വാര്‍ത്തയാണ് പി.കെ അബ്ദുറബ്ബ് ഷെയര്‍ ചെയ്തത്.
തുടര്‍ഭരണത്തിന് വേണ്ടത്ര ഭൂരിപക്ഷം ലഭിച്ചിട്ടും സത്യപ്രതിജ്ഞ വൈകിപ്പിക്കുന്നത് ജ്യോത്സ്യന്‍റെ നിര്‍ദ്ദേശപ്രകാരമാണെന്നാണ് ജന്മഭൂമി വാര്‍ത്തയില്‍ പറയുന്നത്.
മുഖ്യമന്ത്രിയുമായി കൂടിക്കാഴ്ച നടത്തിയെന്ന് മുല്ലപ്പള്ളി രാമചന്ദ്രന്‍ ആരോപിച്ച ജ്യോത്സ്യന്‍ ആണ് അധികാരമേല്‍ക്കാനുള്ള സമയവും തിയ്യതിയും കുറിച്ചു നല്‍കിയതെന്നും ജന്മഭൂമി വാര്‍ത്തയില്‍ പറയുന്നുണ്ട്.
