കേപ്ടൗണ്‍: ലോക ഫുട്‌ബോളില്‍ ഇപ്പോഴത്തെ മികച്ച താരങ്ങള്‍ ആരൊക്കെയെന്നു ചോദിച്ചാല്‍ ആരും രണ്ടാമതൊന്നു ആലോചിക്കാതെ മെസ്സിയുടെയും റൊണാള്‍ഡോയുടെയും പേരു പറയും പിന്നെയും ഉണ്ട് മികച്ച താരങ്ങളുടെ പട്ടികയിലേക്ക് ചേര്‍ക്കുവാനുള്ള ഒരു കൂട്ടും താരങ്ങള്‍.
എന്നാല്‍ മെസ്സിയെയാണോ അതോ റൊണാള്‍ഡോയെയാണോ കൂടുതല്‍ ഇഷ്ടം എന്നു ചോദിച്ചാല്‍ ഫുട്‌ബോളിനെ സ്‌നേഹിക്കുന്നവര്‍ക്ക് അത് അച്ഛനെയാണോ അതോ അമ്മയെയാണോ കൂടുതല്‍ ഇഷ്ടം എന്ന ചോദ്യം കേള്‍ക്കുന്നതിന് തുല്ല്യമായിരിക്കും. എന്നാല്‍ ദക്ഷിണാഫ്രിക്കന്‍ ഏകദിന ക്യാപ്റ്റന്‍ എബി ഡിവില്ല്യേഴ്‌സിനോടാണ് ചോദ്യമെങ്കിലോ?
അത്തരത്തിലൊരു ചോദ്യത്തിന് ഉത്തരം പറയുകയാണ് ലോക ക്രിക്കറ്റര്‍ ഡിവില്ല്യേഴ്‌സ്. ഐ.സി.സിയുടെ ട്വിറ്റര്‍ പേജിലെ #AskAB എന്ന സംവാദത്തിലൂടെയാണ് ഡിവില്ല്യേഴ്‌സിന് ചോദ്യം നേരിടേണ്ടി വന്നത്. ക്രിസ്റ്റിയാനോ റൊണാള്‍ഡോയാണോ ലയണവല്‍ മെസ്സിയാണോ ഇഷ്ട താരമെന്ന ചോദ്യത്തിന് രണ്ടാമതൊന്നും ആലോചിക്കാതെ ഉത്തരം പറയുകയായിരുന്നു താരം.
“എന്നെ സംബന്ധിച്ചിടത്തോളം വളരെ എളുപ്പമുള്ള ചോദ്യമാണിത്. ഇഷ്ട്ട താരം മെസ്സിയോ റൊണാള്‍ഡോയോയെന്ന എന്നോട് ചോദിച്ചാല്‍ അത് മെസ്സി എന്നു തന്നെയായിരിക്കും. ഫുട്‌ബോളിനെ സംബന്ധിച്ചിടത്തോളം വളരെയേറെ കഴിവുള്ള വ്യക്തിയാണ് അദ്ദേഹം. ടീമിനെ വിജയിപ്പിക്കാന്‍ പോന്ന വലിയ കഴിവുള്ള താരം” ഡിവില്ല്യേഴ്‌സ് പറഞ്ഞു.
.iamAbdullah342 #AskAB pic.twitter.com/3dcTJp6xvD
— Dhaka Sports (@dhaka_sports) May 30, 2017