കെജ്‌രിവാളിനെതിരെ മത്സരിക്കുന്ന ബി.ജെ.പിയുടെ ഏഴ് നേതാക്കള്‍ക്കും പുതുവത്സരാശംസകളുമായി ആംആദ്മിയുടെ പോസ്റ്റര്‍
ഡൂള്‍ന്യൂസ് ഡെസ്‌ക്
Thursday, 2nd January 2020, 7:57 pm
ന്യൂദല്‍ഹി: ദല്‍ഹി നിയമസഭാ തെരഞ്ഞെടുപ്പില്‍ മുഖ്യമന്ത്രി സ്ഥാനാര്‍ത്ഥിയായി മത്സരിക്കുന്ന ബി.ജെ.പി നേതാക്കള്‍ക്ക് പുതുവത്സരാശംസകള്‍ നേര്‍ന്ന് ആംആദ്മി പാര്‍ട്ടി.
നേതാക്കള്‍ക്ക് പുതുവത്സരാശംസകള്‍ നേരുന്ന ഒരു പോസ്റ്റര്‍ ട്വിറ്ററില്‍ പങ്കുവെച്ചുകൊണ്ടായിരുന്നു പാര്‍ട്ടി രംഗത്തെത്തിയത്. ‘ദല്‍ഹിയില്‍ ബി.ജെ.പിയുടെ മുഖ്യമന്ത്രി സ്ഥാനാര്‍ത്ഥിയായി മത്സരിക്കുന്ന ഏഴ് നേതാക്കള്‍ക്കും പുതുവത്സരാശംസകള്‍’ എന്നായിരുന്നു കുറിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ഒപ്പം ഏഴ് നേതാക്കളുടെ പേരും ഉള്‍പ്പെടുത്തിയിട്ടുണ്ട്. ഗൗതം ഗംഭീര്‍, മനോജ് തിവാരി, വിജയ് ഗോയല്‍, ഹര്‍ദീപ് സിംഗ് പൂരി, ഹര്‍ഷ് വര്‍ധന്‍, വിജേന്ദര്‍ ഗുപ്ത, പര്‍വേഷ് സിംഗ് എന്നിവരുടെ പേരുകളാണ് പോസ്റ്ററില്‍ ഉള്‍പ്പെടുത്തിയിട്ടുള്ളത്.
