കോഴിക്കോട്:മികച്ച പ്രതികരണവുമായി ജയസൂര്യ നായകനായ ആട് 2 തിയ്യറ്ററുകളില്‍ ജൈത്രയാത്ര നടത്തുകയാണ്. ക്രിസ്മസ് വിന്നറായി ചിത്രം ആദ്യദിനം തന്നെ മാറിയിരുന്നു. എന്നാല്‍ ക്രിസ്മസിന് ആട് 2 വിന്റെ കൂടെയിറങ്ങിയ പലപടങ്ങളും അവരുടെ തിയ്യേറ്റര്‍ കളക്ഷന്‍ പുറത്ത് വിട്ടെങ്കിലും ആടിന്റെ കളക്ഷന്‍ ഇതുവരെ പുറത്ത് വിട്ടിരുന്നില്ല.
വെറുതെ ഒരു റോഗ് ഫിഗര്‍ ആയിട്ട് പറയുന്നതെന്തിനാ എന്നായിരുന്നു ഇതിനെ കുറിച്ച് നിര്‍മ്മാതാവ് വിജയ് ബാബുവിനോട് ഒരു ആരാധകന് ചോദിച്ചതിന് മറുപടിയായി പറഞ്ഞത്. ആട് 2 വിജയമാക്കിയ പ്രേക്ഷകര്‍ക്ക് നന്ദി പറയാന്‍ ഫേ്‌സ്ബുക്ക് ലൈവില്‍ വന്നതായിരുന്നു വിജയ് ബാബുവും നടന് ജയസൂര്യയും.
നെറ്റ്, ഗ്രോസ്, ഷെയര്‍ എന്നിങ്ങനെ വെറുതെ ഓരോ ഫിഗറുകള്‍ പറഞ്ഞിട്ട് ഒരു കാര്യവുമില്ല നിങ്ങള്‍ കാണുന്നുണ്ടല്ലോ നൂറ്റി അമ്പതോളം തിയ്യറ്ററുകളില്‍ ഹൗസ് ഫുള്ള് ആണ്. അത് വെച്ച് നിങ്ങള്‍ക്ക് തന്നെ കണക്കാക്കാവുന്നതെയുള്ളു എന്തായാലും രണ്ടാഴ്ച കഴിഞ്ഞ് കൃത്യമായ കണക്കുമായി ലൈവില്‍ വരും എന്നും വിജയ് ബാബു ഉറപ്പ് നല്‍കുന്നുണ്ട്.
അതേ സമയം ചിത്രത്തിന്റെ ഗംഭീര വിജയം ആഘോഷമാക്കാന്‍ പുതിയ സെലിബ്രേഷന്‍ സോംഗ് അണിയറപ്രവര്‍ത്തകര്‍ പുറത്ത് വിട്ടിരുന്നു.
ആമൃതംഗമയ ബാന്റിലെ ആമൃതയും അഭിരാമിയും ചേര്‍ന്ന് സംഗീതം നല്‍കിയ ഗാനത്തിന്റെ വരികള്‍ എഴുതിയിരിക്കുന്നത് കിരണ്‍ റാഫേല്‍ ആണ്. അമൃതയും അഭിരാമിയും തന്നെയാണ് ഗാനം ആലപിച്ചിരിക്കുന്നത്.