കൊച്ചി: പ്രേക്ഷകര്‍ ഒന്നടങ്കം എറ്റെടുത്ത് ആട് 2 തിയേറ്ററുകളില്‍ ജൈത്രയാത്ര തുടരുകയാണ്. ഷാജി പാപ്പനും പിള്ളേരും സര്‍ബത്ത് ഷമീറും സാത്താന്‍ സേവ്യറുമെല്ലാം വീണ്ടും തിയേറ്ററില്‍ എത്തിയതിന്റെ ആവേശത്തിലായിരുന്നു ആരാധകര്‍.
അതിനിടെ ചിത്രത്തിലെ സമയ ദൈര്‍ഘ്യം മൂലം ഒഴിവാക്കേണ്ടി വന്ന സീനുകള്‍ ചിത്രത്തിന്റെ അണിയറപ്രവര്‍ത്തകര്‍ പുറത്ത് വിട്ടിരുന്നു. ഈ സീനുകളും സിനിമ പോലെ തന്നെ സോഷ്യല്‍ മീഡിയയില്‍ ഹിറ്റായിരുന്നു.
ഇപ്പോള്‍ ഇതാ സിനിമയില്‍ നിന്ന് ഒഴിവാക്കിയ ആറാമത്തെ സീന്‍ പുറത്ത് വിട്ടിരിക്കുകയാണ് ഫ്രൈഡെ ഫിലിംസ്. സാത്താന്‍ സേവ്യറും
കഞ്ചാവ് സോമനും ബാറ്ററി സൈമണും സര്‍ബത്ത് ഷമീറും ഒക്കെ സീനില്‍ ഉണ്ട്. 51 സെക്കന്റ് ദൈര്‍ഘ്യമുള്ള സീന്‍ ഇതിനോടകം വൈറലായി കഴിഞ്ഞിരിക്കുകയാണ്.
തിയേറ്ററുകളില്‍ പരാജയമാകുകയും ടൊറന്റില്‍ ഹിറ്റാകുകയും ചെയ്ത “ആട് ഒരു ഭീകരജീവിയാണ്” എന്ന ചിത്രത്തിന്റെ രണ്ടാം ഭാഗമായ “ആട് 2” അത്ഭുതകരമായ വിജയമാണ് ബോക്‌സ് ഓഫീസില്‍ സ്വന്തമാക്കിയത്.
മിഥുന്‍ മാനുവല്‍ തോമസ് രചനയും സംവിധാനവും നിര്‍വ്വഹിച്ച ചിത്രത്തില്‍ ജയസൂര്യയ്ക്കു പുറമെ വിനായകന്‍, സൈജു കുറുപ്പ്, ധര്‍മ്മജന്‍ ബോള്‍ഗാട്ടി, സണ്ണി വെയിന്‍ തുടങ്ങിയവരും പ്രധാന വേഷങ്ങളിലെത്തി.
വീഡിയോ കാണാം: