80 ലക്ഷം ലോട്ടറിയടിച്ചതിന്റെ പാര്‍ട്ടി നടത്തിയ യുവാവ് ദുരൂഹ സാഹചര്യത്തില്‍ മരിച്ചു
ഡൂള്‍ന്യൂസ് ഡെസ്‌ക്
Monday, 3rd April 2023, 11:58 pm
തിരുവനന്തപുരം: 80 ലക്ഷം രൂപയുടെ ഭാഗ്യക്കുറി നേടിയതിന് പിന്നാലെ ദുരൂഹസാഹചര്യത്തില്‍ യുവാവ് മരിച്ചു. പാങ്ങോട് സ്വദേശി സജീവാ(35)ണ് മരിച്ചത്.
ലോട്ടറി അടിച്ച സന്തോഷത്തിനിടയില്‍ ഇദ്ദേഹം സുഹൃത്തിന്റെ വീട്ടില്‍ പാര്‍ട്ടി നടത്തിയിരുന്നു. ഇതിനിടെ സുഹൃത്ത് തള്ളിയിട്ടതിന് പിന്നാലെ പരിക്കേറ്റ് സജീവ് ആശുപത്രിലായിരുന്നു. ഇതിന് പിന്നാലെയാണ് മരണം.
കഴിഞ്ഞ മാസമായിരുന്നു സജീവിന് 80 ലക്ഷം ഭാഗ്യക്കുറിയടിച്ചത്. തുക ബാങ്കിലെത്തിയതിന് പിന്നാലെ ശനിയാഴ്ച പാങ്ങോട് ചന്തക്കുന്നില്‍ വാടകക്ക് താമസിക്കുന്ന രാജേന്ദ്രന്‍ പിള്ളയുടെ വീട്ടില്‍ പാര്‍ട്ടി നടത്തി. ഇതിനിടെ ഉണ്ടായ തര്‍ക്കത്തിനിടെയാണ് സജീവിന് വീണ് പരുക്കേറ്റത്.
