കേരളരാഷ്ട്രീയ ചരിത്രത്തിലെ ഐതിഹാസികമായ ചരിത്രവിജയം: എ. വിജയരാഘവന്‍
ഡൂള്‍ന്യൂസ് ഡെസ്‌ക്
Sunday, 2nd May 2021, 5:25 pm
തിരുവനന്തപുരം: കേരളത്തിന്റെ രാഷ്ട്രീയ ചരിത്രത്തിലെ ഐതിഹാസികമായ ചരിത്രവിജയമാണ് ഇപ്പോള്‍ എല്‍.ഡി.എഫിന് ലഭിച്ചിരിക്കുന്നതെന്ന് സി.പി.ഐ.എം സംസ്ഥാന സെക്രട്ടറി എ. വിജയരാഘവന്‍.
തെരഞ്ഞെടുപ്പിന്റെ എല്ലാ പ്രചരണ ഘട്ടത്തിലും തികഞ്ഞ ആത്മവിശ്വാസത്തോടെയാണ് ഇടതുപക്ഷ ജനാധിപത്യ മുന്നണി ജനങ്ങളെ അഭിമുഖീകരിച്ചതെന്നും വിജയരാഘവന്‍ പറഞ്ഞു.
തെരഞ്ഞെടുപ്പ് കഴിഞ്ഞതിന് ശേഷം പ്രീ പോളും പോസ്റ്റ് പോളും വരുന്നതിന് മുന്‍പ് തന്നെ വലിയ വിജയം ഇടതുപക്ഷ ജനാധിപത്യമുന്നണിക്ക് ഉണ്ടാകുമെന്ന് ഞങ്ങള്‍ പറയുകയുണ്ടായി. ആ ആത്മവിശ്വാസത്തെ അന്വര്‍ത്ഥമാക്കുന്ന തെരഞ്ഞെടുപ്പ് വിജയമാണ് ഉണ്ടായിരിക്കുന്നത്.
