സ്പോര്‍ട്സ് ഡെസ്‌ക്7 min
2024-25 ഇന്ത്യന്‍ സൂപ്പര്‍ ലീഗില്‍ പുതിയ ക്ലബ്ബിനെ ഉള്‍പ്പെടുത്തി. മുഹമ്മദന് സ്‌പോര്‍ട്ടിങ് ക്ലബ്ബാണ് വരാനിരിക്കുന്ന സീസണില്‍ ഐ.എസ്.എല്ലില്‍ ഇടം നേടിയത്. ഐ.എസ്.എല്‍ ഒഫീഷ്യല്‍ പേജിലൂടെ പുതിയ പ്രഖ്യാപനം. ഇന്ത്യയിലെ ഏറ്റവും പ്രായം കൂടിയ സജീവ ക്ലബ്ബാണ് മുഹമ്മദന് എഫ്.സി.
— Indian Super League (@IndSuperLeague) August 24, 2024
133 വര്‍ഷത്തെ പഴക്കമാണ് ക്ലബ്ബിനുള്ളത്. ഇതോടെ ഐ.എസ്.എല്ലില്‍ മത്സരിക്കുന്ന ക്ലബ്ബുകളുടെ എണ്ണം 13 ആയി. 2023ലെ മികച്ച പ്രകടനത്തിനും 2024ലെ ഐ ലീഗ് കിരീടം സ്വന്തമാക്കിയതിനുമാണ് ക്ലബ്ബിന് ഐ.എസ്.എല്ലില്‍ പ്രമോഷന്‍ കിട്ടിയത്. പഞ്ചാബ് എഫ്.സിക്ക് ശേഷം പ്രമോഷന്‍ നേടുന്ന രണ്ടാമത്തെ ക്ലബ് ആവാനാണ് മുഹമ്മദന് സാധിച്ചത്.
WELCOME TO THE FAMILY, @MohammedanSC! 👏
Starting from the 2024-25 season, Mohammedan SC, one of the oldest active football clubs in the nation will compete in the #ISL! 🤩
Head to the link to read more: https://t.co/dHUOrMzJGS#LetsFootball #MohammedanSC #MSCinISL | @Sports18 pic.twitter.com/9QJoTEnpVY
— Indian Super League (@IndSuperLeague) August 24, 2024
ഐ ലീഗില്‍ 15 വിജയങ്ങളും ഏഴ് സമനിലകളും നേടി 52 പോയിന്റാണ് മുഹമ്മദന് ക്ലബ് സ്വന്തമാക്കിയത്. ഐ ലീഗില്‍ മികച്ച പ്രകടനം കാഴ്ചവെച്ച ക്ലബ്ബ് ഐ.എസ്.എല്ലില്‍ അതേ വീര്യത്തോടെ മുന്നോട്ട് പോകുമെന്നാണ് പ്രതീക്ഷിക്കുന്നത്.
1940ല്‍ ബ്രിട്ടീഷുകാരുടെ ആധിപത്യം തകര്‍ത്ത് ഡ്യൂറന്‍ഡ് കപ്പില്‍ വലിയ വിജയം സ്വന്തമാക്കി കിരീടം ഉയര്‍ത്തിയ ആദ്യ ടീമാണ് മുഹമ്മദന് എഫ്.സി.
ഐ ലീഗിലെ മികച്ച പ്രകടനം ക്ലബ്ബുകള്‍ക്ക് ഐ.എസി.ലേക്കുള്ള വലിയ അവസരമാണ് തുറന്നു കൊടുക്കുന്നത്. ഇത് ഫുട്‌ബോളിന്റെ വളര്‍ച്ചയ്ക്ക് ഉദാഹരണമാണ്.
Content Highlight: A new club has been included in the 2024-25 Indian Super League
