ലോക്പാല്‍ ഓഫീസ് പ്രവര്‍ത്തിക്കുന്നത് പഞ്ചനക്ഷത്ര ഹോട്ടലില്‍; മാസം 50 ലക്ഷം രൂപ വാടക
ഡൂള്‍ന്യൂസ് ഡെസ്‌ക്
Monday, 2nd December 2019, 12:40 pm
ന്യൂദല്‍ഹി: സര്‍ക്കാര്‍ ഉദ്യോഗസ്ഥരുടെയും രാഷ്ട്രീയ പ്രവര്‍ത്തകരുടെയും മേലുള്ള അഴിമതി ആരോപണങ്ങള്‍ പരിശോധിക്കാനുള്ള സംവിധാനമായ ലോക്പാലിന്റെ ഓഫീസ് പ്രവര്‍ത്തിക്കുന്നത് പഞ്ചനക്ഷത്ര ഹോട്ടലില്‍. മാസം 50 ലക്ഷം രൂപ വാടകകൊടുത്താണ് ഓഫീസ് പ്രവര്‍ത്തിക്കുന്നത്.
സര്‍ക്കാര്‍ നിയന്ത്രണത്തിലുള്ള ആഢംബര ഹോട്ടലായ അശോകയിലെ രണ്ടാം നിലയില്‍ 12 മുറികളിലാണ് ലോക്പാല്‍ ഓഫീസ് പ്രവര്‍ത്തിക്കുന്നത്. 2019 മാര്‍ച്ച് 22 മുതല്‍ ഒക്ടോബര്‍ 31വരെ ഹോട്ടലിന് വാടകയിനത്തില്‍ മൂന്ന് കോടി 85 ലക്ഷം രൂപ നല്‍കിയിട്ടുണ്ട്.
പ്രധാനമന്ത്രി ഓഫിസിനുകീഴിലുള്ള പേഴ്സണല്‍ ആന്റ് ട്രയിനിങ് വകുപ്പാണ് വാടക നിശ്ചയിച്ചത്. പ്രധാനമന്ത്രിയടക്കമുള്ളവര്‍ക്കെതിരായ അഴിമതി പരാതികള്‍ അന്വേഷിക്കാന്‍ അധികാരമുള്ളതാണ് ലോക്പാല്‍ സംവിധാനം.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
