ഫുട്ബോളിലേയും ക്രിക്കറ്റിലേയും രണ്ട് ടീമുകളുടെ സോഷ്യൽ മീഡിയയിൽ ട്രെൻഡിങ് ആയിരിക്കുകയാണ് മലയാളത്തിലെ ഒരു പഴയ ഗാനം. 1983ൽ പുറത്തിറങ്ങിയ ‘ആ രാത്രി’ എന്ന ചിത്രത്തിലെ ‘കിളിയെ കിളിയെ’ എന്ന ഗാനമാണ്‌ ടീമുകളുടെ അക്കൗണ്ടിലൂടെ ശ്രദ്ധനേടുന്നത്.
സ്പാനിഷ് ക്ലബ്ബ് റയൽ മാഡ്രിഡിന്റെയും ഐ.പി.എൽ ടീമായ രാജസ്ഥാൻ റോയൽസിന്റെയും ഇൻസ്റ്റാഗ്രാം പേജിലാണ് ഈ പാട്ട് പോസ്റ്റ്‌ ചെയ്തിട്ടുള്ളത്. ചാമ്പ്യൻസ് ലീഗിൽ ഇറ്റാലിയൻ ക്ലബ്ബ് നാപ്പോളിയെ രണ്ടിനെതിരെ മൂന്ന് ഗോളുകൾക്ക് റയൽ മാഡ്രിഡ്‌ തകർത്തിരുന്നു. ഈ മത്സരത്തിൽ ജൂഡ് ബെല്ലിങ്‌ഹാം ഒരു അവിശ്വസനീയമായ ഗോളും ബ്രസീലിയൻ താരം വിനീഷ്യസ് ജൂനിയറിന് ഗോൾ നേടാൻ അവസരം നൽകുകയും ചെയ്തിരുന്നു.