റോഡ് നവീകരണം: ആലപ്പുഴ-ചങ്ങനാശ്ശേരി റോഡിലെ 787 തണല്‍മരങ്ങള്‍ മുറിച്ചുമാറ്റും
ഡൂള്‍ന്യൂസ് ഡെസ്‌ക്
Sunday, 6th June 2021, 3:46 pm
ആലപ്പുഴ: ആലപ്പുഴ-ചങ്ങനാശ്ശേരി റോഡിന്റെ നവീകരണത്തിന്റെ ഭാഗമായി 787 തണല്‍മരങ്ങള്‍ മുറിച്ചുമാറ്റുന്നു. പത്തുവര്‍ഷം മുമ്പു നട്ട മരങ്ങളാണ് വികസനത്തിനായി വെട്ടിമാറ്റുന്നത്.
ആലപ്പുഴ ജില്ലയുടെ ഭാഗമായ കൈതവന മുതല്‍ കിടങ്ങറ വരെയുള്ള 787 മരങ്ങള്‍ ലേലം ചെയ്യാന്‍ അനുമതിയായിട്ടുണ്ട്. കോട്ടയത്തിന്റെ ഭാഗമായ കിടങ്ങറ മുതല്‍ പെരുന്ന വരെയുള്ള 64 മരങ്ങളും റോഡ് നവീകരണത്തിന്റെ ഭാഗമായി മുറിക്കും.
നാട്ടുകാരുടെ ഭാഗത്തുനിന്നു ഇതിനെതിരെ പ്രതിഷേധം ഉയര്‍ന്നുവന്നിട്ടുണ്ട്. മരങ്ങളെ സംരക്ഷിച്ചുകൊണ്ടുള്ള റോഡു വികസനം വേണമെന്നാണ് നാട്ടുകാരുടെ ആവശ്യം.
