കോഴിക്കോട് മെഡിക്കല്‍ കോളേജില്‍ ഗര്‍ഭിണിയായ യുവതിക്ക് കൊവിഡ്; ഡോക്ടര്‍മാരുള്‍പ്പെടെ 80 പേര്‍ നിരീക്ഷണത്തില്‍
ഡൂള്‍ന്യൂസ് ഡെസ്‌ക്
Friday, 5th June 2020, 11:10 am
കോഴിക്കോട്: കോഴിക്കോട് മെഡിക്കല്‍ കോളേജില്‍ ഡോക്ടര്‍മാരും ആരോഗ്യ പ്രവര്‍ത്തകരുമുള്‍പ്പെടെ 80 പേര്‍ സ്വയം നിരീക്ഷണത്തില്‍ പോയി. മെഡിക്കല്‍ കോജേില്‍ ചികിത്സയ്ക്കായെത്തിയ 28 വയസ്സുള്ള ഗര്‍ഭിണിയായ യുവതിക്ക് കൊവിഡ് സ്ഥിരീകരിച്ചതിനെ തുടര്‍ന്നാണ് ആരോഗ്യപ്രവര്‍ത്തകര്‍ നിരീക്ഷണത്തില്‍ പോയത്.
മെയ് 24നാണ് യുവതി കോഴിക്കോട് മെഡിക്കല്‍ കോളേജില്‍ ചികിത്സയ്ക്കായി എത്തിയത്. ഇതിനിടയില്‍ പ്രസവ സംബന്ധമായ അസുഖങ്ങള്‍ സങ്കീര്‍ണമായതിനെ തുടര്‍ന്ന് യുവതിയെ സര്‍ജന്‍, ന്യൂറോ വിദഗ്ധന്‍, പീഡിയാട്രിക് സര്‍ജന്‍, കാര്‍ഡിയോളജി വിദഗ്ധന്‍ അടക്കമുള്ളവര്‍ പരിശോധിച്ചിരുന്നു. ഇതേത്തുടര്‍ന്നാണ് 80ഓളം വരുന്ന ആരോഗ്യ പ്രവര്‍ത്തകര്‍ സ്വയം നിരീക്ഷണത്തില്‍ പോയിരിക്കുന്നത്.
