കമലേഷ് തിവാരി കൊല്ലപ്പെട്ട് ഒരാഴ്ചയ്ക്ക് ശേഷം ഭാര്യ കിരണ്‍ തിവാരിയെ ഹിന്ദു സമാജ് പാര്‍ട്ടി അധ്യക്ഷയാക്കി പാര്‍ട്ടി
ഡൂള്‍ന്യൂസ് ഡെസ്‌ക്
Saturday, 26th October 2019, 2:57 pm
ന്യൂദല്‍ഹി: ഹിന്ദു സമാജ് പാര്‍ട്ടി നേതാവ് കമലേഷ് തിവാരി ലഖ്നൗ ഓഫീസില്‍ വെച്ച് കൊല്ലപ്പെട്ട് എട്ട് ദിവസം പിന്നിടുമ്പോള്‍ അദ്ദേഹത്തിന്റെ ഭാര്യ കിരണ്‍ തിവാരിയെ ഹിന്ദു സമാജ് പാര്‍ട്ടിയുടെ അധ്യക്ഷയാക്കി നേതാക്കള്‍.
പാര്‍ട്ടി മേധാവിയായി അവര്‍ ഇന്ന് ചുമതലയേറ്റു. ഹിന്ദു മഹാസഭയുമായി പിരിഞ്ഞ ശേഷം 2017 ല്‍ തിവാരി സ്ഥാപിച്ചതാണ് ഹിന്ദു സമാജ് പാര്‍ട്ടി.
18 സംസ്ഥാനങ്ങളില്‍ ഹിന്ദു സമാജ് പാര്‍ട്ടിക്ക് സാന്നിധ്യമുണ്ടെന്നെന്നും സംഘടനയുടെ അധ്യക്ഷ പദവി ഏറ്റെടുക്കുകയാണെന്നും കിരണ്‍ തിവാരി പറഞ്ഞു.
പാര്‍ട്ടിയെ എങ്ങനെ മുന്നോട്ട് കൊണ്ടുപോകണമെന്ന് തീരുമാനിക്കാന്‍ ഉടന്‍ തന്നെ ഹിന്ദു സംഘടനയുടെ ദേശീയ എക്‌സിക്യൂട്ടീവ് യോഗം വിളിക്കുമെന്ന് കിരണ്‍ തിവാരി അറിയിച്ചു.
